Pajšoŭ z žyćcia historyk, palitołah i žurnalist Alaksiej Karol
U subotu, 12 vieraśnia 2015 hoda, spyniłasia serca Alaksieja Karala — historyka, palitołaha, hałoŭnaha redaktara haziety «Novy Čas».
Jamu było 70 hadoŭ. Ciaham hoda sp. Karol zmahaŭsia z rakam lohkich, ale praciahvaŭ aktyŭna ŭdzielničać u pracy redakcyi i hramadskim žyćci Biełarusi.
U červieni hetaha hoda vyjšaŭ u śviet aŭtarski dakumientalny film Alaksieja Karala «1990-ja: Jak heta było, i jaki šlach my nie prajšli».
Apošnija try miesiacy sp. Karol pravioŭ u kole siamji syna ŭ Sinhapury, dzie prachodziŭ kurs lačeńnia. Prach Alaksieja Karala budzie pachavany ŭ Minsku.
***
Alaksiej Karol naradziŭsia ŭ 1945 hodzie ŭ pasiołku Kopyś Aršanskaha rajona Viciebskaj vobłaści. Baćka paśla frontu pracavaŭ partyjnym sakratarom i staršynioj vykankamaŭ u roznych rajonach Biełarusi. Maci była nastaŭnicaj. Škołu skončyŭ u Maładziečnie, potym — Minski piedinstytut u 1971 hodzie.
Historyk, kandydat histaryčnych navuk. Kandydackuju dysiertacyju abaraniŭ pa temie paślavajennaj akupacyi Hiermanii ŭ 1945—47 hadach. Pracavaŭ u Instytucie historyi Akademii Navuk BSSR, Instytucie historyi partyi pry CK KPB.
Aŭtar troch knih i manahrafij: pra Pieršuju rasijskuju revalucyju 1905—1907 hadoŭ, pra Druhi źjezd RSDRP i pra Usievałada Ihnatoŭskaha.
U kancy 80-ch pisaŭ daviedačnuju infarmacyju pra reabilitacyju Źmitra Žyłunoviča i Usievałada Ihnatoŭskaha, a taksama inšych «nacdemaŭ», represavanych u 20-30-ja hady XX stahodździa.
Adzin z zasnavalnikaŭ Partyi narodnaj zhody. Niekalki razoŭ byŭ inicyjataram abjadnańnia sacyjał-demakrataŭ. U 2004 hodzie bałatavaŭsia ŭ parłamient u Maładziečnie. Padčas prezidenckich vybaraŭ 2006 hoda byŭ davieranaj asobaj Alaksandra Kazulina.
Z 1992 hoda vydavaŭ niezaležnuju hazietu «Zhoda», jakuju začynili za dva dni da vybaraŭ 17 sakavika 2006 hoda — za karykatury na praroka Muchamieda. Pa fakcie pieradrukoŭki hetych karykatur była zaviedziena kryminalnaja sprava, u jakim Alaksiej Karol byŭ śviedkam.
Jak paviedamili kalehi, prach Alaksieja Karala budzie pachavany ŭ Minsku. Data i miesca miemaryjalnaj słužby budzie paviedamlena paźniej.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ11
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj13
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4444
Kamientary