Zołatavalutnyja reziervy Kitaja ŭ vieraśni skaracilisia na $43,3 młrd
Ahulny abjom zołatavalutnych reziervaŭ Kitaja za vierasień skaraciŭsia na $43,3 młrd.
Źnižeńnie było čakanym paśla devalvacyi juania ŭ žniŭni, pieradaje Rojterz.
Pierad tym reziervy Kitaja skaracilisia na 91 miljard za žnivień. Heta byŭ histaryčny rekord. Nikoli jašče Kitaj nie traciŭ stolki na padtrymańnie kursu juania. I heta niahledziačy na 5-pracentavuju devalvacyju kitajskaj valuty.
Praŭda, zołatavalutnyja reziervy Kitaja ahromnistyja. Na siońnia jany składajuć prykładna $3514 młrd. Heta značyć, što za žnivień i vierasień Kitaj vytraciŭ tolki prykładna 4% ich. I tym nie mienš, ekanamisty ŭspryniali infarmacyju jak čarhovy tryvožny zvanočak adnosna stanu kitajskaj haspadarki.
Cikava, što ŭ momant pačatku pierachodu Kitaja ad sacyjalizmu da kapitalizmu ŭ ekanomicy, a heta było ŭ 1980 hodzie, zołatavalutnyja reziervy Kitaja składali ŭsiaho 2,55 młrd dalaraŭ.
Dla paraŭnańnia, zołatavalutnyja reziervy Biełarusi na siońnia — kala 4,6 młrd dalaraŭ, Polščy — 104 młrd, Rasii — 370 młrd.
Ciapier čytajuć
Čaćviortuju liniju minskaha mietro paviaduć u Dražniu. A «Ślapianka» i «Daŭhabrodskaja» źmianili svajo miesca5
Kamientary