Bił Hiejts abiacaje za 10 hadoŭ ažyćciavić enierhietyčnuju revalucyju dziakujučy štučnamu fotasintezu
Multymiljarder-vizijanier zachapiŭsia idejaj stvareńnia alternatyvy nafcie i hazu.
Bił Hiejts byŭ adnym ź niešmatlikich niepalitykaŭ na klimatyčnym samicie ŭ Paryžy. Jon uzbudžana apisvaŭ mahčymaść vypracoŭki enierhii ŭ vyniku pracesu štučnaha fotasintezu, vykarystoŭvajučy soniečnuju enierhiju dla stvareńnia vadkaha paliva.
«Kali heta budzie, heta budzie fantastyka», — cytuje Hiejtsa Rojterz.
Ciapier soniečnaja enierhija vykarystoŭvajecca praz batarei. U vypadku štučnaha fotasintezu budzie adbyvacca, faktyčna, paskorany praces utvareńnia nafty. I atrymanaje paliva možna budzie lohka pieravozić.
Hiejts pryjechaŭ u Paryž, kab prasoŭvać svoj novy dabračynny prajekt: Breakthrough Energy Coalition, niefarmalny kłub 28 pryvatnych inviestaraŭ z usiaho śvietu, jakija ŭkładajuć hrošy ŭ novyja daśledavańni ŭ enierhietyčnym siektary.
Hiejts zachapiŭsia idejami Vacłava Śmiła (Vaclav Smil), małaviadomaha prafiesara-čecha, jaki pracuje va ŭniviersitecie Manitoba ŭ Kanadzie.
Śmił šmat pisaŭ pra toje, jak doŭha ŭkaraniajucca novyja enierhietyčnyja technałohii. Nafta, haz, atamnaja enierhija: ad vynachodstva da masavaha vykarystańnia ŭsich hetych krynic enierhii prachodziła paŭstahodździa.
Heta adkaz tym, chto vieryć u pošuk chutkich rašeńniaŭ.
Adnak Hiejts raźličvaje, što novyja technałohii zdolnyja hetym razam pryžycca chutčej. Pa jahonych raźlikach, hadoŭ 10 treba na raspracoŭku technałohii štučnaha fotasintezu. Jašče hadoŭ 20 pojdzie na ŭkaranieńnie jaje ŭ roznych krainach.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary