Łukašenka rastłumačyŭ svaje słovy pra taryfy ŽKH: nasamreč, ludzi apłačvali 80% raschodaŭ. Fint dla MVF?
president.gov.by
Hetuju temu kiraŭnik dziaržavy zakranuŭ u hutarcy z pradstaŭnikami dypłamatyčnaha korpusa paśla cyrymonii ŭskładańnia vianka da manumienta na płoščy Pieramohi ŭ Minsku.
Alaksandr Łukašenka raskazaŭ, što čynoŭnikam było dadziena zadańnie praanalizavać situacyju z taryfami na ŽKP i pravieści dakładnyja raźliki.
Akazałasia, što pakryćcio koštu pasłuh nasielnictvam składaje nie 40%, a 80%.
«Daviali žorstkija taryfy. Što jany pačali rabić? Jany pačali mudryć i ŭvodzić niejkija pakazčyki», — skazaŭ Alaksandr Łukašenka, pryvioŭšy ŭ jakaści prykładu pierapracoŭku ćviordych bytavych adchodaŭ.
«Pierapracoŭka — heta vyhadnaja reč, u nas u čarzie stajać, kab pierapracoŭvać. Za što ž płacić?» — aburyŭsia kiraŭnik krainy.
«Heta značyć, zajmajucca prypiskami, kab skraści hrošy ź biudžetu lehalnym šlacham. A ŭ nas artykuł za heta, za heta treba sadžać», - padkreśliŭ Alaksandr Łukašenka i dadaŭ, što ŭ Biełarusi ŭ hetaj śfiery naviaduć paradak.
Spynieńnia pierakryžavanaha subsidavańnia ŽKH patrabavaŭ MVF. Jon pastaviŭ heta ŭmovaj raspačynańnia novaj kredytnaj prahramy ź Biełaruśsiu.
Adnak pavyšeńnie kamunalnych płaciažoŭ vyklikaje niezadavolenaść ludziej.
Mahčyma, Alaksandr Łukašenka vyrašyŭ pajści akolnym šlacham. Kali dabicca ad ŽKH źnižeńnia taryfaŭ, to ŭzdymać kamunałku tre' budzie niaznačna.
Praŭda, tady daviadziecca abo źnižać inviestycyi ŽKH u padtrymańnie infrastruktury, abo vydzialać na heta hrošy pa inšaj biudžetnaj linii.
Ciapier čytajuć
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy135135
Kamientary