14 krasavika ŭ Minsku na placoŭcy «Prajm-choł» adbudziecca sustreča z Ksienijaj Sabčak. Pačatak a 19-j hadzinie. Košt kvitkoŭ dasiahaje 1 200 000 rubloŭ.
Ksienija Sabčak zavitaje ŭ Minsk sa svaim prajektam «Sabčak – heta brend». Ź im aŭtarka hastraluje pa roznych haradach i pravodzić sustrečy z aŭdytoryjaj u farmacie «tvorčaha viečara». Hety majstar-kłas raźličany na tych, chto maje metaj ułasny pijar, maryć pra toje, kab stać zorkaj, a taksama na tych, chto choča paznajomicca ź nieadnaznačnaj Sabčak i zadać joj svaje pytańni.
«Tak, Ksienija Sabčak siońnia — brend. Ludzi kažuć «Ksienija Sabčak» i majuć na ŭvazie hłamurny vobraz. Z druhoha boku, ja nie škaduju, što byŭ taki pieryjad, kali mianie ŭsprymali jak «śvieckuju lvicu». Zaraz hałoŭnaje — svoječasova źmianicca».
Jana naradziłasia ŭ viadomaj siamji, ale pastaviła metaj znajści ŭłasnuju papularnaść. Pačała ŭ jakaści viadučaj skandalnaha teleprajekta «Dom-2» i doŭhi čas paśpiachova zastavałasia adnoj z samych sprečnych, ale ž viadomych i zapytanych pierson rasijskaha šoŭ-biznesu. Taksama ŭ hety pieryjad Ksienija sprabavała siabie jak litaratar, vydaŭšy niekalki ŭłasnych knih.
Z 2011 hoda vobraz «błandzinki ŭ šakaładzie» staŭ imkliva transfarmavacca ŭ suviazi z tym, što Ksienija niečakana dla ŭsich vykazała aktyŭnuju hramadzianskuju pazicyju. Jana nieadnarazova publična ahučvała niezadavolenaść palitykaj Pucina i brała ŭdzieł ŭ apazicyjnych mitynhach. Adnak Sabčak nie stała zajmacca palitykaj prafiesijna, zastaŭšysia aktyŭnym hramadskim dziejačom.
Asnoŭny zaniatak zaraz — žurnalistyka. Ksienija źjaŭlajecca hałoŭnym redaktaram časopisa L'Officiel, a taksama viadučaj ułasnaj prahramy na niezaležnym telekanale «Dožd́». U rozny čas jaje hierojami byli, aproč inšych, suśvietna viadomyja dziejačy kultury, spartoŭcy i palityki vyšejšaha ranhu. Alaksandr Łukašenka taksama daŭ intervju Ksienii Sabčak u mai 2014 hoda.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary