Ciaham apošnich hadoŭ kampanija «Budźma biełarusami!» vydała 7 tysiač paštovak ź sieryi «Nie maŭčy pa-biełarusku», što razam z adnajmiennym kalendarom duža palubilisia publicy. Kampanija vyrašyła nie spyniacca na dasiahnutym, bo zašmat słoŭ pa-biełarusku nie byvaje, i padrychtavała novy nabor paštovak, jaki stanie hodnym praciaham papularnaha prajekta!
Pavodle vynikaŭ hałasavanki siarod čytačoŭ sajta budzma.by byli vyznačany novyja temy dla papularnych paštovak. Najbolš cikava aŭdytoryi było daviedacca, jak nazyvajucca pa-biełarusku stravy, školnyja pryłady, kapjutarnyja terminy, harodnina, raśliny, žyvioły, i, viadoma, častki cieła čałavieka. Viasiołyja i kreatyŭnyja malunki dla paštovak, jak i raniej, stvaryła Darja Mandzik, aŭtarka idei prajekta «Nie maŭčy pa-biełarusku». U vyniku atrymalisia cudoŭnyja i natchnialnyja pamočniki dla ŭsich, chto cikavicca biełaruskaj movaj i choča razmaŭlać pa-biełarusku nie tolki pra vysokija śfiery, ale i na pobytavyja temy.
Z dapamohaj paštovak možna nie tolki vučyć biełaruskuju movu, ale i dałučycca da postkrosinhu, papularnaha va ŭsim śviecie.
Šukajcie novy nabor paštovak «Nie maŭčy pa-biełarusku!» u minskich kniharniach:
«Akademkniha», pr-t Niezaležnaści, 72:
«Kniharnia piśmieńnika», vuł. Kazłova, 2;
«Viedy», vuł. K.Marksa, 36;
«Centralnaja kniharnia», pr-t Niezaležnaści, 19;
«Knižnaja šafa», pr. Dziaržynskaha, 9;
Kniharnia «Łohvinaŭ», pr-t Niezaležnaści, 37A;
Etna-krama «Rahna», vuł. Suchaja, 4 / vuł. Karala, 22;
«Knihi & knižački», pr-t Niezaležnaści, 14;
«Eŭryka», vuł. Kujbyšava, 75;
A taksama ŭ internet-kramie knihi.by
Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7
Kamientary