Cichaja chryścijanskaja meladrama.
Rasieja – Ukraina, 2007, kalarovy, 88 chv.
Režyser: Siarhiej Strusoŭski
Roli vykonvajuć: Karyna Razumoŭskaja, Daniił Strachaŭ, Viačasłaŭ Žołabaŭ, Halina Jackina, Alaksandar Masałaŭ
Žanr: Chryścijanskaja meladrama
Pryzy: Srebny pryz na MKF u Chjustanie
Adznaka: 5 (z 10)
U dziacinstvie hierainia škadavała sabakaŭ i častavała ich aŭsianaju kašaj. Pastaleŭšy, Alaksandra, jakuju pryznaŭ svajoj unučkaj mahnat, kormić bamžoŭ i maluje słabych dyj pakryŭdžanych. Uvieś śviet suprać naiŭnaje hieraini, jaje sprabujuć zhvałtavać, padmanuć, zabić – ale Boh ratuje svajo dzicia.
Debiutnaja karcina Siarhieja Strusoŭskaha – heta cichaja i ščyraja chryścijanskaja meladrama. Niama reklamnaha tłumu, znakamitych aktoraŭ i “zornaje” mituśni. Karcina amal nie zaŭvažnaja ŭ prakatnaje sietcy, ale na jaje varta źviarnuć uvahu.
Filmy, jakija na zrazumiełaj movie havorać pra samaje važnaje – vielmi redkija. Chryścijanskaje kino – heta nia tolki filmy pra Chrysta, apostałaŭ i Maisieja. Heta nia tolki (i nie abaviazkova!) stužki, hieroi jakich – śviatary. Chryścijanstva – heta žyćcio, kali štodzionna abirajecca luboŭ da Boha i da čałavieka.
Hierainia karciny z čystymi vačyma dziciaci tak i žyvie. Paškadavać biednaha, suciešyć zasmučanaha, padziakavać niabiosam za kožny dzień… Zhodna z tradycyjaj meladramy – pieraškody strašnyja j kantrasnyja: unačy na dziaŭčynu napadaje mańjak, jaki staniecca jejnym lekaram; lepšy siabar sprabuje jaje zabić; dziadula varjacieje i łajecca ź niabačnymi čarciami. Ale zło nia maje ŭłady nad śvietłaj dušoj.
Karcina “Bažavołka” niedaskanałaja: brakuje filihrannaj aktorskaj pracy, asabliva na epizodach; adčuvajecca niedachop režyserskaha dośviedu.
Ale jasna-dziciačyja tvory hieraini, ščyraja naiŭnaść dabra, akreślenaja aŭtarskaja pazycyja i ciepłynia lubovi robiać hety film sapraŭdnym ahieńčykam – na tle chałodnaha j štučnaha śviatła.
Karcina demanstrujecca ŭ kinateatry “Mir” da 18 traŭnia a 17.20.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary