Pačaŭsia praces pa hučnaj spravie «ašmianskich mytnikaŭ»: sudziać Alesia Jurkojcia
Ranicaj 18 listapada ŭ sudzie Partyzanskaha rajona Minska pačałosia pasiedžańnie pa hučnaj spravie mytnikaŭ z Kamiennaha łohu.
Viasnoj 2015 hoda niekalki dziasiatkaŭ supracoŭnikaŭ punkta propusku «Kamienny łoh» byli zatrymany. Hučali abvinavačańni ŭ karupcyi i chabarnictvie, arhanizacyi naładžanaj schiemy pa niaspłacie mytnych płaciažoŭ. Zatrymańni prajšli cicha — upieršyniu infarmacyja była ahučanaja tolki praź niekalki dzion Łukašenkam na sustrečy z kiraŭnictvam Dziaržaŭnaha mytnaha kamiteta. Nielehalny prybytak mytnikaŭ, zajaŭlaŭ Łukašenka, išoŭ na miljony dalaraŭ. Paźniej u KDB paviedamili, što pa miescy žycharstva ŭdzielnikaŭ hrupy kanfiskavali bolš za $2,2 miljona najaŭnymi.
U dačynieńni mytnikaŭ uzbudzili 5 kryminalnych spraŭ.
Były načalnik Ašmianskaj mytni Ivan Niviarkievič byŭ asudžany ŭ śniežni 2015 hoda. Jon atrymaŭ 7 hadoŭ — Niviarkieviča pryznali vinavatym u chabarnictvie ŭ asabliva bujnym pamiery. A ŭ sakaviku 2016 hoda prysud źmianili, skasavaŭšy adzin hod.
A ciapier idzie nastupnaje pasiadžeńnie pa spravie. Na łavie padsudnych 5 čałaviek (jašče 6 abvinavačanych u zale, jany pad chatnim aryštam).
U kletcy i Aleś Jurkojć, čyjo zatrymańnie stała niečakanaściu. Jurkojć nie tolki mytnik, jon viadomy krajaznaŭca z Astravieččyny, aktyŭny hramadski i kulturny dziejač svajho kraju.
Na Ašmianskaj mytni Aleś Jurkojć pracavaŭ hałoŭnym inśpiektaram. Ciapier jamu, jak i inšym abvinavačanym, pahražaje da 15 hadoŭ. Mytnikaŭ vinavaciać u tym, što ŭ składzie złačynnaj hrupy jany dapamahali nielehalna pieramiaščać tavary praź miažu, brali chabar.
Padtrymać Jurkojcia pryjšli piśmieńnik Siarhiej Dubaviec, žurnalist i movaznaŭca Hleb Łabadzienka, šoŭmen Usievaład Ścieburaka.
Darečy,Aleś Jurkojć na pytańni sudździ Dźmitryja Supruna adkazvaŭ vyklučna pa-biełarusku.
Pačaŭsia praces z začytvańnia prakuroram abvinavačvańnia. Pa viersii śledstva, mytniki brali hrošy z 2010 hoda. Sumy ahučvajucca roznyja - niekatoryja mašyny z hruzam «kaštavali» 200 dalaraŭ, niekatoryja i 450. Išoŭ taki hruz čaściej za ŭsio ź Litvy, šmat razoŭ uzhadvajucca mašyny z kvietkami. Mytniki nie praviarali mašyny, za što i brali hrošy, potym chabar dzialiŭsia pamiž supracoŭnkami punkta propusku.
Ciapier čytajuć
Asudžany za «Hajun» da chimii brat Ihara Łosika ŭciok ź Biełarusi1
Asudžany za «Hajun» da chimii brat Ihara Łosika ŭciok ź Biełarusi
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1616
Kamientary