Dastała čakańnie? Biary Pačakuna i vychodź!

U symbal.by źjaviłasia ŭ prodažy miakkaja cacka «Pačakun», stvoranaja na asnovie skulptury «Homunculus loxodontus», fotazdymak jakoj staŭ papularnym miemam u internecie z nazvaju «Ždun».

Pavialičyć

Biełaruskich vytvorcaŭ na stvareńnie cacki «Pačakun» natchniła skulptura hałandskaj mastački Marhryt van Brevart (Margriet van Breevoort), stvoranaja ŭ 2016 hodzie dla Lejdenskaha ŭniviersiteta ŭ Niderłandach. Pieršapačatkova skulptura była ŭstalavana pierad dziciačaj lakarniaj u horadzie Lejden. Zaraz skulptura raźmieščana kala ŭvachodu ŭ Lejdenski ŭniviersitecki miedycynski centr.

Skulptura ŭjaŭlaje saboj biaznohuju istotu šeraha koleru z hałavoj paŭnočnaha marskoha słana, ciełam hihanckaj ličynki i rukami pažyłoha čałavieka. Pa zadumcy hetaja istota siadzić u čakańni lekara i vynikaŭ svaich analizaŭ.

Pavialičyć

Adkul uziaŭsia Pačakun?

Lakarnia pry Lejdenskim univiersitecie daŭ Marhryt van Brevart hrant na stvareńnie skulptury dla štohadovaha konkursu, jaki pravodzicca fondam «Skulptury ŭ Lejdenie». Temaj konkursu 2016 hady byli bijałahičnyja navuki.

Mastačka doŭha razvažała nad tematykaj budučaj skulptury, tamu što jana nie chacieła adlustroŭvać štości źviazanaje ź miedycynaj ci chvarobami. Jana źviarnuła ŭvahu na ludziej, jakija siadziać u čarzie da lekara ŭ čakańni dyjahnazu, i vyrašyła pryśviacić svaju skulpturu pacyjentam.

Pavodle słoŭ Marhryt van Brevart, svajoj skulpturaj jana chacieła pakazać, što pacyjenty prosta pavinny čakać svajoj doli z nadziejaj na lepšaje. Akramia taho, mastačka pastaviła pierad saboj zadaču zrabić hetaha pacyjenta pryvabnym i miłym, kab ź im było kamfortna i jon moh by vyklikać śmiech.

U studzieni 2017 hoda, paśla raźmiaščeńnia fotazdymka skulptury na sajcie Pikabu.ru, jana stała papularnym miemam u Runecie pad nazvaj «Ždun», va Uanecie pad nazvaj «Počiekun» i ŭ Bajnecie pad nazvaj «Pačakun».

Pavialičyć

Čamu Pačakuna tak palubili Biełarusy?

Pačakun — sumny, hultajavaty i mlavy, ale pry hetym simpatyčny i aptymistyčny hieroj: jon źviesiŭ nos i pakłaŭ ručki na žyvociku ŭ čakańni źmien da lepšaha ŭ krainie, dzie daŭno panuje zastoj i niama ŭmoŭ ni dla palityčnaj, ni dla hramadzianskaj aktyŭnaści.

Vobraz Pačakuna, pry ŭsioj svajoj pryvabnaści, adlustroŭvaje taksama i prychavanuju niezadavolenaść ludziej. Šmatlikija biełarusy ŭbačyli ŭ hetym vobrazie svaich siabroŭ, znajomych, kalehaŭ, a moža i samich siabie.

Karystajciesia promakodam NNBY i atrymlivajcie źnižku ŭ internet-kramie.

• 0
• 0
• 0
• 0
• 0
• 0
• 0
• 0