«Kantrakt padpisany. Kasavać kantrakt niebiaśpiečna, a inšych pastaŭščykoŭ hazu niama», — zajaviŭ A.Surykaŭ.
«Kantrakt padpisany. Kasavać kantrakt niebiaśpiečna, a inšych pastaŭščykoŭ hazu niama», — zajaviŭ A.Surykaŭ.
1 žniŭnia pieršy namieśnik staršyni ŭradu Biełarusi Ŭładzimier Siamaška zajaviŭ, što ŭ suviazi sa źmienaj abstavinaŭ Biełaruś i Rasieja pavinny abo razarvać raniejšuju damovu ab pastaŭkach rasiejskaha hazu, abo dapoŭnić jaje, kab pryjści da cyvilizavanaha rašeńnia.
31 śniežnia 2006 hodu Biełaruś padpisała z «Hazpromam» pahadnieńnie, jakoje vyznačaje formułu cany rasiejskaha hazu dla Biełarusi. Sioleta ŭ pieršym kvartale cana na haz skłała 119 dalaraŭ, a da kanca hodu maje daraści da 127,9 dalara za tysiaču kubametraŭ.
«Kali trymacca toj formuły, jakaja pryviazana da naftavaha ekvivalentu, nas moža čakać vielmi rezki rost cenaŭ. Bo vy viedajecie, kudy skočyła cana nafty. Chto moh mierkavać?» — zajaviŭ tady Siamaška.
Pavodle čynoŭnika, kali trymacca raniejšaj stratehii, to na pačatku 2011 hodu Rasiei daviadziecca padvoić ceny na enerhanośbity. A heta dla jaje budzie katastrofaj. Tamu Rasieja zapavolić pierachod da roŭnaprybytkovaści cenaŭ na haz na ŭsich rynkach.
«Tamu ŭ nas siońnia jość vielmi surjozny arhument: kali ŭžo bahataja Rasieja razumieje, što heta moža być katastrafičnaja źjava dla ekanomiki, to čamu my pavinny jašče raz, skažam, u paŭtara ci ŭ dva razy padniać ceny? — skazaŭ Siamaška. — My spasyłajemsia na hramadzianskija kodeksy Biełarusi i Rasiei, dzie havorycca pra źmienu, razryŭ damovy ŭ suviazi ź istotnaj źmienaj abstavinaŭ. Heta nia fors‑mažornyja abstaviny. Heta istotnyja źmieny abstavinaŭ, bo my abapiralisia na rasiejski prahnoz pra źnižeńnie cany nafty da 61 dalara za barel. A my majem 120 dalaraŭ. Tamu my pavinny sieści za stoł pieramovaŭ: abo razarvać raniejšuju damovu — heta niedapuščalna, zrazumieła, — abo zrabić niejkija dapaŭnieńni da damovy, kab pryjści da cyvilizavanaha rašeńnia», — patłumačyŭ U.Siamaška žurnalistam.
Ciapier čytajuć
«Muž zabraŭ u zakładniki maich kotak». Dyzajnierka Volha Kardaš — pra razvod z mužam, ułasnuju kramu i samaha stylovaha biełarusa6
Kamientary