Chalesteryn — rečyva, nieabchodnaje arhanizmu dla stvareńnia zdarovych kletak, niekatorych harmonaŭ, kletkavych miembran, vitaminu D, žoŭcievych kisłot i inšych funkcyj. Ale dla ŭsich hetych pracesaŭ patrebnaja abmiežavanaja kolkaść chalesterynu. Kali ž jon pieravyšaje normu, uzrastaje ryzyka raźvićcia mnohich sardečnych zachvorvańniaŭ, piša «Siehodnia».
Zdarovaja dyjeta
Pieršaje, što nieabchodna zrabić, — pierahledzieć svaje zvyčki ŭ charčavańni.
Čamu varta skazać «nie»? Praduktam z vysokim utrymańniem nasyčanych i transtłuščaŭ. Jany pryvodziać da źnižeńnia ŁPVŠ (dobraha chalesterynu), tym samym istotna pavialičvajučy ryzyku sardečnych zachvorvańniaŭ.
Čamu havorym «tak»? Praduktam, jakija źmiaščajuć klatčatku. Jana dziejničaje niby hubka ŭ arhaniźmie, pahłynajučy drenny chalesteryn. Krynicy — sadavina, harodnina i celnazierniavyja pradukty. Nielha ihnaravać zdarovyja (monanienasyčanyja i polinienasyčanyja) tłuščy. Ich vy znojdziecie ŭ arechach, mindalnym i rapsavym alei, nasieńni kunžutu i lonu.
Vielmi karysnymi ŭ źnižeńni ŭzroŭniu drennaha chalesterynu źjaŭlajucca pradukty, bahatyja Amieha-3 tłustymi kisłotami. Jany ŭtrymlivajucca ŭ tłustaj rybie (łasoś, tuniec i sardziny).
Aktyŭnaść — załoh zdaroŭja
Navat prostyja praktykavańni, naprykład chutkaja chada, šmat zrobić va ŭrehulavańni ŭzroŭniu chalesterynu. U fizična aktyŭnych ludziej dobraha chalesterynu bolš pryblizna na piać pracentaŭ u paraŭnańni z prychilnikami siadziačaha ładu žyćcia.
Admoŭciesia ad škodnych zvyčak
Kali vy chočacie źnizić chalesteryn bieź lekaŭ, to varta pamienšyć spažyvańnie ałkaholu. Budźcie pilnyja adnosna kolkaści. Druhi vinoŭnik anamalna vysokaha ŭzroŭniu chalesterynu ŭ bolšaści ludziej — kureńnie. Hetaja škodnaja zvyčka sadziejničaje źnižeńniu ŭzroŭniu dobraha chalesterynu i značna pavialičvaje ryzyki takich zachvorvańniaŭ, jak dyjabiet i hipiertanija. Śpiecyjalisty vyśvietlili: kali čałaviek kidaje kuryć, jaho dobry chalesteryn pavialičvajecca.
Heta ŭsim dastupnyja sposaby palapšeńnia zdaroŭja. Prostaja źmiena zvyčak i ładu žyćcia dapamoža nie tolki źnizić chalesteryn, ale i palepšyć ahulnaje samaadčuvańnie.
Jak spynić vypadzieńnie vałasoŭ paśla kavidu?
Čamu mieniedžary-milenijały vyharajuć na pracy chutčej za inšych?
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa bačyli amal paŭmiljarda čałaviek. Što ź im ciapier?
Kamientary