Kabiniet ministra kultury Francyi prakamientavaŭ tvit pra śmierć Aleksijevič
U kabinecie ministarki kultury i kamunikacyi Francyi Fransuaz Nisen prakamentavali źjaŭleńnie na profili ŭ tvitary ad jaje imia infarmacyi pra śmierć Śviatłany Aleksijevič.
Sakratarka kabinetu skazała Svabodzie:
«My sprabujem vyjavić pryčynu hetaha tvitu. Kabinet da hetaha času nie sfarmavany i znajści adkaznych ludziej vielmi składana. Ministarka Fransuaz Nisen ciapier na pasiedžańni ŭradu i my nia možam ź joj parazmaŭlać i zapytacca pra detali. Ci budzie niejki pres-reliz na hety kont, my jašče nia viedajem».
Falšyvaja navina pra śmierć Aleksijevič pajšła z tviteru, jaki nibyta naležyć ministarcy. Adnak pieršyja zapisy na hetym profili pačali źjaŭlacca 21 hadzinu tamu. Praz 40 chvilin paśla tvitu pra śmierć Aleksijevič źjaviłasia čarhovaje paviedamleńnie, što fejkavy akaŭnt ad imia Fransuaz Nisen byŭ stvorany italjanskim žurnalistam Tamasa De Benedeci.
Tamasa De Benedeci (Tommaso De Benedetti) niekatoryja nazyvajuć «najbolšym padmanščykam» u internecie.
Zachodniaja presa ŭ minułym nieadnarazova paviedamlała pra padobnyja niepraŭdzivyja infarmacyi ab śmierci viadomych ludziej (Fideła Kastra i Džoan Roŭlinh), jakija jon raspaŭsiudžvaŭ u internecie. U pryvatnaści, letaś z fejk-akaŭntu vydaviectva Alfred Knopf u Tvitery Benedeci raspaŭsiudziŭ niepraŭdzivuju źviestku pra śmierć amerykanskaha piśmieńnika Kormaka Makkarty. Šmat chto z žurnalistaŭ pavieryŭ u hetuju źviestku i paŭtaryŭ jaje.
«Hetaja historyja pakazvaje žudasnuju sytuacyju ŚMI. Akaŭnt nia byŭ vartym davieru i byŭ stvorany niekalki chvilinaŭ da źviestki pra śmierć, ale šmat važnych sajtaŭ pavieryła», — prakamentavaŭ svoj žart Tamasa Benedeci.
Ciapier čytajuć
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku47
Kamientary