Top-6 viadomych biełaruskich YouTube-błohieraŭ, pra jakich vy mahli nie viedać
Z kožnym hodam YouTube usio bolš stanovicca kankurentam telebačańnia ŭ Biełarusi. Tut možna hladzieć toje, što tabie padabajecca, dy jašče biez cenzury. Niahledziačy na toje, što videabłohinh jašče tolki raźvivajecca ŭ krainie, užo siońnia chapaje viadomych biełaruskich błohieraŭ.
1. Uład Bumaha (1,6 miljona padpisantaŭ)
Bumaha — sapraŭdnaje proźvišča błohiera. YouTube-kanał staŭ papularnym dziakujučy dvum videa, što, jak vyśvietliłasia paśla, byli fejkami. Pieršaje videa — noč u akvaparku «Labiažy». Heta papularny žanr videa na YouTube, kali zadačaj błohiera stanovicca zanačavać u jakim-niebudź hramadskim miescy — handlovym centry, kinateatry i h.d. Paśla prychilniki błohiera vykłali skrynšoty ź videa Ułada, dzie byli vidać achoŭniki akvaparka. Videa nabrała 8 miljonaŭ prahladaŭ.
Druhoje videa, jakoje pryniesła słavu błohieru, — noč u batutnaj arenie, jakoje taksama akazałasia fejkam, ale nie pieraškodziła błohieru nabrać 9 miljonaŭ prahladaŭ!
2. Pryjemny Ildar (1,1 miljona prahladaŭ)
Sakret pośpiechu Ildara nie viadomy. Jahonyja pieršyja sproby stać papularnym videabłohieram byli nastolki niepaśpiachovymi, što jon ledź nie pierastaŭ hetym zajmacca. U asnoŭnym kantent kanała składajuć ahlady filmaŭ i navin zamiežža, na jakich možna «chajpanuć». Tamu vidavočna, što bolšaść aŭdytoryi videabłohiera składajuć rasijanie.
Voś i samaje prahladalnaje videa na kanale Ildara pryśviečana historyi Dzijany Šuryhinaj:
U apošnim videa Ildar parazvažaŭ na temu płahijatu na YouTube i ŭ žyćci:
3. Dzima Jermuzievič (677 tysiač padpisantaŭ)
U 2011 hodzie ŭ Dzimy źjaviŭsia asabisty kanał z zabaŭlalnym kantentam, dzie va ŭsich padrabiaznaściach chłopiec raspaviadaŭ pra svajo žyćcio dy tancavaŭ ź siabrami. Praz 6 hod Dzima nie źmianiŭ farmat svaich videa, pry hetym prahlady i aŭdytoryja błohiera tolki rastuć. Voś, naprykład, zusim niadaŭna Dzima pabyŭ madellu na Biełaruskim tydni mody:
A na pačatku hoda Dzima napiaredadni dnia naradžeńnia zapisaŭ videa, dzie raspavioŭ pra 18 rečaŭ, jakija jon zrazumieŭ za 18 hod:
4. Jula Hadunova (272 tysiačy padpisantaŭ)
Siabroŭka Dzimy Jermuzieviča, jakaja viadzie svoj videabłoh u anałahičnym farmacie. Sama błohierka ź Jelska (Homielskaja vobłaść), ale zaraz časta zdymaje videa ŭ Minsku i Homieli. Voś i apošniaje videa Jula zapisała razam ź Dzimam:
Jašče adno z apošnich videa Jula pryśviaciła tamu, jak zrabić supierkučary:
5. Masyaka Grand (920 tysiač padpisantaŭ)
Videabłohier Sania Muvier nabližajecca da miljona padpisantaŭ na svaim kanale. Asnoŭny kantent składaje ahlad hulniaŭ. Minecraft, GTA 5, SAMP — amataram hetych kampjutarnych hulniaŭ spadabajecca kantent videabłohiera. Videabłohier prasłaviŭsia trolinham školnikaŭ u anłajn-hulniach. Jon uciraŭsia da ich u davier, a potym žorstka padmanvaŭ, što vyklikała ŭ školnikaŭ sapraŭdnuju isteryku.
Na žal, amal u kožnym siužecie videabłohiera prysutničajuć maciuki. Tamu kali vam jość 16 hod i vy chočacie pahladzieć videa, to vam siudy.
6. Aleh Nieścieraŭ (263 tysiačy padpisantaŭ)
«Kuzaŭščyk» z Bresta staŭ viadomym na YouTube dziakujučy łajfchakam pa pytańniach kuzaŭnych rabot. Aleh choć i samavučka, ale dastatkova dobra raźbirajecca ŭ svajoj spravie. A prahlady prynosiać realna dobryja parady, jakija dapamahajuć vyrašyć typovyja prablemy aŭtamabilistaŭ. Adno z samych papularnych videa na kanale pryśviečana karozii:
U adnym z apošnich videa błohier raspaviadaje, jak abaranić aŭto ad skołaŭ:
***
Padpisvajciesia i naš kanał na Jutubie! Tam nas užo bolš za 9000 čałaviek.
Kamientary