Ałkśnis: Rasija pavinna stvaryć terytaryjalnyja kanflikty va ŭsich krainach byłoha SSSR
«Pakolki pašyreńnie NATA z metaj hieapalityčnaha akružeńnia Rasijskaj Fiederacyi ŭsio roŭna budzie praciahvacca i ja nie vyklučaju padobnaha navat u Centralnaj Azii, to Rasiei treba raspracoŭvać płany pa niejtralizacyi hetych niebiaśpiečnych płanaŭ. Adzinaj «absalutnaj zbrojaj» u hetaj situacyi źjaŭlajecca pravakavańnie i padtrymka terytaryjalnych kanfliktaŭ, jak unutry hetych kandydataŭ u NATA, tak i pa-za imi, — napisaŭ u siabie ŭ fejsbuku rasijski palityk Viktar Ałkśnis. — Naprykład, dziakujučy Prydniastroŭju byŭ pastaŭleny zasłon na šlachu Małdavii ŭ NATA».
«Treba nie dapuskać likvidacyi Nahorna-Karabachskaj Respubliki, — piša Ałkśnis, — a, naadvarot, spryjać raźvićciu jaje suvierenitetu. Tym samym my zaścieražem siabie ad ŭstupleńnia ŭ NATA Azierbajdžana i Armienii».
Ałkśnis zaklikaje da toj sama palityki ŭ adnosinach da Ukrainy i inšych krain: kali Danbas budzie reintehravany na Ukrainu, to «budzie źniščany adzin z hałoŭnych šłahbaŭmaŭ na šlachu Ukrainy ŭ NATA», — piša Ałkśnis.
Ałkśnis vystupaje za nastupalnuju palityku: «Kali chto dumaje, što heta šlach da vajny, to jon hłyboka pamylajecca. Pakul NATA nie pryniała ŭ svaje šerahi byłych savieckich respublik i jany nie trapili pad abaronu artykuła 5 Statuta NATA, to Rasii nie pahražaje vajennaje sutyknieńnie z hetym błokam i jana moža pravodzić samastojnuju palityku ŭ dačynieńni da hetych krain, až da taho, jak heta rabili ZŠA ŭ dačynieńni da Juhasłavii, Livii, Afhanistana abo Siryi. Vajennaje sutyknieńnie z NATA z-za adsutnaści jurydyčnych padstaŭ nam nie pahražaje. A sankcyjami i rezalucyjami Jeŭraparłamienta nas nie napałochaješ».
«Mocnaja Rasija nikomu, akramia nas, nie patrebna», — miarkuje Ałkśnis.
Ałkśnis — saviecki i rasijski aficer, doŭhi čas byŭ deputatam Viarchoŭnaha Savieta SSSR i Dziarždumy Rasii, ciapier kiruje adnym z haradkoŭ u Rasii.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič18
Kamientary