Minsk škaduje, što ŭ palitycy novaj administracyi ZŠA «zachoŭvajucca sastarełyja i zusim nieabjektyŭnyja stereatypy ŭ dačynieńni da Biełarusi». Pra heta zajaŭlajuć u pres-słužbie MZS, kamientujučy rašeńnie Vašynhtona praciahnuć na hod sankcyi suprać biełaruskich čynoŭnikaŭ.
U MZS Biełarusi adznačyli, što hety krok amierykanskaha boku paŭtaraje anałahičnyja rašeńni raniejšych hadoŭ.
— Dla nas absalutna nieprymalnym źjaŭlajecca śćviardžeńnie amierykanskaha boku ab tym, što Biełaruś, jakaja robić usio mahčymaje dla ŭmacavańnia rehijanalnaj i mižnarodnaj biaśpieki, moža pradstaŭlać dla ZŠA jakuju b tam ni było pahrozu.
U Minsku ličać, što, imavierna, patrabujecca bolš času dla pieraadoleńnia inercyi ŭ adnosinach z ZŠA.
- My naceleny na praciah pačataha kanstruktyŭnaha dyjałohu z ZŠA i paśladoŭna vystupajem za ŭzajemavyhadnaje dvuchbakovaje supracoŭnictva, raźvićcio jakoha, my ŭpeŭnienyja, budzie spryjać pazityŭnym źmienam u źniešniepalityčnych padychodach Vašynhtona.
***
Ranicaj stała viadoma ab tym, što prezident ZŠA Donald Tramp praciahnuŭ na hod uviedzienyja ŭ 2006 hodzie sankcyi suprać aficyjnaha Minska. Abmiežavańni byli ŭviedzienyja Džordžam Bušam u dačynieńni da Alaksandra Łukašenki i šerahu čynoŭnikaŭ i členaŭ ich siemjaŭ paśla prezidenckich vybaraŭ u Biełarusi, jakija ŭ ZŠA i ES pryznali niedemakratyčnymi.
Sankcyi praduhledžvajuć błakavańnie rachunkaŭ nazvanych asob u amierykanskich bankach, zabarona im na ŭjezd u ZŠA, zabarona amierykanskim kampanijam vieści ź imi spravy. Tradycyjnaja farmuloŭka matyvacyi Vašynhtona ŭklučaje ŭ siabie frazu pra toje, što dziejańni biełaruskich uładaŭ «pradstaŭlajuć pahrozu dla nacyjanalnaj biaśpieki i źniešniaj palityki Złučanych Štataŭ».
Ciapier čytajuć
Pastprad Biełarusi ŭ AAN sustreniecca z Koŭłam i pieradaść jamu pasłańnie ad Łukašenki3
Pastprad Biełarusi ŭ AAN sustreniecca z Koŭłam i pieradaść jamu pasłańnie ad Łukašenki
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było55
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było5
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary