Kali abiraješ pačastunak, pieradusim varta mieć na ŭvazie, što dobryja kavuny — čaściej za ŭsio siarednija pa pamierach.
1. Dobry, śpieły kavun bujny, maje cełasnaje pokryva, koler skarynki jarki i kantrasny, śvietłaja plama na baku, jakuju adlažaŭ kavun, pavinna być maksimalna žoŭtaj, navat aranžavaj.
2. Saśpieły kavun abaviazkova pakryty ćviordaj bliskučaj skarynkaj, kali paznohać lohka pratykaje kavunovuju skurku — značyć, kavun niaśpieły.
3. Vusik i pładanožka ŭ śpiełaha kavuna suchija.
4. Pry ŭdary dałońniu śpieły kavun vibruje, pry ŭdary sahnutym palcam vydaje ŭmierana zvonki huk, pry ściskańni ŭzdoŭž padoŭžnaj vosi — słaboje chrabuścieńnie.
5. Miakać dobraha kavun sakavitaja, biez aśliźnieńnia i pry hetym u mieru čyrvonaja. Intensiŭny jarka-čyrvony koler abo navat ź fijaletavym adcieńniem moža śviedčyć ab najaŭnaści nitrataŭ.
6. Tryvožnaja prykmieta — žoŭty koler vałoknaŭ, jakija iduć ad siaredziny da skarynački (pavinny być biełyja), i hładki, hlancavy zrez pavierchni (pavinny iskrycca krupinki).
7. Pamiatajcie, vyrazać kavałačak kavuna na probu abo razrazać jaho na častki pierad prodažam stroha zabaroniena, bo ŭ miescy razrezu vielmi chutka razmnožvajucca škodnyja mikraarhanizmy, a dakładna vyznačyć najaŭnaść abo adsutnaść u kavunie nitrataŭ usio roŭna možna tolki ŭ łabaratoryi.
8. Pierad tym, jak razrezać płod, nie zabyvajcie staranna vymyć jaho ciopłaj vadoj z myłam, bo čaścinki hleby, pyłu, mikraarhanizmy, jakija znachodziacca na łupinie, patrapiŭšy ŭnutr, mohuć pryvieści da kišačnaj infiekcyi.
9. Kali paśla razrezu vyjavicca, što nabyty vami kavun maje kisły pach, to ni ŭ jakim razie nielha jaho jeści — možna atrymać charčovaje atručvańnie.
10 Anałahičnymi praviłami rekamiendujecca kiravacca i pry vybary dyni. Varta, adnak, mieć na ŭvazie, što ŭ saśpiełych pładoŭ supraćlehły chvościku bok pavinien być krychu miakkim, a pry pstryčcy pa skaryncy huk pavinien być hłuchim.
11. Dobraja dynia pavinna smačna pachnuć. Kali vodaru niama, jaje lepš nie kuplać.
Ciapier čytajuć
Dźmitryj Łukašenka choča pastavić pad kantrol usie mabilnyja telefony6
Kamientary