U Breście kala šmatpaviarchovika vykinuli cełuju kałoniju kažanoŭ. Heta vielmi drenna
Učora ŭ TikTok zavirusiłasia videa, dzie kala adnaho sa šmatpaviarchovikaŭ Bresta prosta na ziamli lažać dziasiatki kažanoŭ. Častka žyvioł, vidać pa ŭsim, užo zahinuła, častka — jašče ruchałasia i ź piskam sprabavała źbicca ŭ kupku.
Onliner.by źviazaŭsia z ekśpiertam i vyśvietliŭ, što mahło zdarycca i čamu kažany apynulisia ŭ takoj kolkaści pobač z žyłym domam.
— Adrazu skažu, što heta «ryžaja viačernica» — nie čyrvanaknižny vid kažanoŭ, ale taksama achoŭvajecca zakonam. U hety momant jany ŭładkoŭvajucca na zimoŭku i mohuć zimavać u roznaha rodu prachałodnych połaściach. Najbolš vierahodna, cełaja kałonija kažanoŭ (kala sotni) schavałasia za ašaloŭkaj čyjho-niebudź bałkona — heta častaja źjava.
Surazmoŭca vykazaŭ zdahadku, što haspadary kvatery mahli ŭbačyć žyvioł, naprykład, padčas ramontu bałkona, i vykinuć ich na vulicu. Ale tak rabić było nielha.
— Hety vypadak možna razhladać jak pravaparušeńnie, biezzvarotnaje vykidańnie dzikich žyvioł z pryrody. Heta praduhledžvaje administracyjnuju adkaznaść. Kali nie pamylajusia, niekalki bazavych vieličyń za adnu asobinu.
— Žyvioł možna jašče vyratavać?
— Videa ŭčarašniaje, i, chutčej za ŭsio, jany zahinuli.
Viadoma, što ŭ Breście jość vałanciory, i, mahčyma, jany paśpieli zreahavać na videa i vyratavać častku žyvioł. Kali my štości daviedajemsia pra heta, napišam praciah.
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje88
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje8
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary
[Zredahavana]