Biełaruskija prystaŭki z 90-ch, jakija byli nie horšyja za japonskija — historyja i FOTA
Užo čatyry dziesiacihodździ televizijnyja hulniavyja prystaŭki dorać radaść dzieciam i darosłym pa ŭsim śviecie. Niekatoryja ź ich paśpieli stać sapraŭdnymi lehiendami, a piersanažy ich hulniaŭ, takija jak Marya abo Sonik, — častkaj masavaj kultury. Pra toje, jaki ŭniosak zrabili biełarusy ŭ raźvićcio videahuljaŭ u eru da Xbox, PlayStation i virtualnaj realnaści, čytajcie ŭ hetym artykule.
U 90-ch hadach na postsavieckaj prastory imkliva nabirali papularnaść hulniavyja kansoli. Spačatku heta była japonskaja Nintendo Entertainment System (NES, abo Famicom), jakaja pryniesła śvietu dahetul papularnaha viasiołaha vadapravodčyka Mario, a potym i jaje rasijski kłon — Dendy.
Ale mała chto viedaje, što svoj anałah «Dendzi» vyrablali i biełarusy!
Znajomciesia, heta — prystaŭka dla videahulniaŭ «Elf». Jaje vypuskam u pačatku 90-ch zajmaŭsia brescki zavod «Ćvietatron» (isnuje i zaraz). Kolkaść ekzemplaraŭ, jakija vyjšli ŭ prodaž, — usiaho niekalki tysiač.
Prystaŭka vykananaja pa kłasičnaj schiemie: sama prystaŭka, kartrydžy z hulniami, džojściki, krynica elektrasiłkavańnia.
Džojścik, jaki taksama možna było kupić asobna ad prystaŭki, źniešnie padobny da svajho brata ad «Dendzi» — takija ž dźvie knopki i kryž.
Naturalna, z prystaŭkaj pradavalisia i kartrydžy z hulniami.
Prystaŭka mieła videavychad dla padklučeńnia da televizara pa RGB. Taksama padklučycca da televizara možna było praz antenavy raźjom. Adnačasova možna było padklučać dva džojściki, što dazvalała ŭładalniku prystaŭki hulać ź siabram.
Pry zapusku prystaŭka vyvodziła na ekran śpis hulniaŭ, jakija byli zachavanyja ŭ kartrydžy. Biez kartrydža vyvodziŭsia pusty śpis. Pry starcie kožnaj hulni na ekran vyvodziłasia jaje karotkaje apisańnie i praviły kiravańnia. Voś niekatoryja z hulniaŭ, jakija prapanoŭvaŭ «Elf»:
Ciapier, kali isnuje Xbox i Kinect, jakija dazvalajuć kiravać hulnioj, vykarystoŭvajučy realnyja ruchi ŭsim ciełam, i kali akulary virtualnaje realnaści stali dastupnyja dla ŭsich, prystaŭki z 90-ch vyhladajuć jak dynazaŭry, i maładomu pakaleńniu ciažka ŭjavić, što kaliści heta była adzinaja mahčymaść pahłybicca ŭ śviet kaśmičnych vojnaŭ i zachaplalnych łabiryntaŭ.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI8
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary