U manastyry ŭ Navinkach škadujuć, što zaprasili vystupić padpałkoŭnika rasijskaha HRU

Padpałkoŭnik zapasu rasiejskaha HRU Anton Mańšyn trapiŭ u Jelisaviecinski manastyr, što ŭ Navinkach, jak pałomnik. Pakolki jon davaŭ interviju sajtu pravoslavie.ru, vystupaŭ u rasiejskich manastyrach, to jaho zaprasili i ŭ niadzielnuju škołu Śviata-Jelisaviecinskaha manastyra ŭ Miensku. Ale ŭ manastyry pryznali, što «heta była pamyłka» i «niepryjemnaja historyja».

Jak paviedamlałasia, u niadzielu padpałkoŭnik zapasu rasiejskaha Hałoŭnaha vyviednaha ŭpraŭleńnia Anton Mańšyn, nazvany «voinam Chrystovym Antonijem», kazaŭ viernikam u mienskim Śviata-Jelisaviecinskim žanočym manastyry pra «vajnu za śviatuju Ruś, biez padziełu na Biełuju, Małuju i Vialikuju», i pra toje, što prysutnyja mužčyny voźmuć u joj udzieł. Taksama Mańšyn na sustrečy z sotniaj viernikaŭ kazaŭ, što «prajšoŭ dźvie vajny ŭ Čačni, udzielničaŭ u padziejach na Danbasie, zaśviaciŭsia i ŭ Syryi», raskazvaŭ pra «cudy božyja na vajnie».

Staršynia Synadalnaha infarmacyjnaha adździełu Biełaruskaj pravasłaŭnaj carkvy protajarej Siarhiej Lepin skazaŭ Svabodzie, što viedaje pra nieadnaznačny vystup rasiejskaha padpałkoŭnika, ale ciapier jon na vakacyjach za miežami Biełarusi. Siarhiej Lepin paabiacaŭ dasłać svoj kamentar pa elektronnaj pošcie ŭ paniadziełak uviečary.

«Heta naša pamyłka»

Redaktarka sajtu Śviata-Jelisaviecinskaha manastyra inakinia Iaanna nia viedaje, adkul uziaŭsia padpałkoŭnik Mańšyn, ale vykazała svajo staŭleńnie da vystupu rasiejskaha aficera:

«Na žal, heta była naša pamyłka, što my heta arhanizavali. Ale ja, na žal, nia viedaju, adkul uziaŭsia hety padpałkoŭnik. Heta vielmi niepryjemnaja historyja».

Iaanna paraiła źviarnucca da manachini Jelizaviety, jakaja arhanizavała sustreču z padpałkoŭnikam u zapasie Antonam Mańšynym.

Padpałkoŭnik zapasu rasiejskaha HRU «defiluje pa śviatych miescach»

Maci Jelizavieta skazała Svabodzie, što rasiejski aficer Anton Mańšyn trapiŭ u manastyr jak pałomnik:

«Interviju ź im było na sajcie pravoslavie.ru, vystupaŭ jon u Navaspaskim manastyry. My jamu taksama prapanavali, kab jon vystupiŭ z pramovaj i ŭ našaj niadzielnaj škołcy. Vystup adbyŭsia. A pra źmiest jahonaha vystupu ja havaryć nie chaču».

Maci Jelizavieta vybačyłasia i pakłała słuchaŭku.

Ź interviju «Malitva aficera», jakoje apublikavana na sajcie pravoslavie.ru, vynikaje, što paŭtara hoda tamu Antona Mańšyna adpravili na pensiju pa invalidnaści. Na pytańnie, jak jon žyvie, čym zajmajecca, padpałkoŭnik zapasu adkazaŭ tak:

«Dy jak žyvu… navat nia viedaju, što skazać. Žalu vartaja vałtuźnia pa płoskaści zbavieńnia. Dom, carkva, manastyry, śviatyja miescy — defiluju pa takoj płoskaści. Bahalubaŭski manastyr Andreja Baroŭskaha. I Opcina pustyń… Jašče manastyr Savy Staražeŭskaha — jon pobač z nami znachodzicca. Nu i moj chram Pakrova Božaj Maci».

Ciapier hieahrafija «defile» rasiejskaha padpałkoŭnika Antona Mańšyna pašyryłasia — jon dajechaŭ da Biełarusi.

Dapamahčy rasśledavańniam

• 0
• 0
• 0
• 0
• 0
• 0
• 0
• 0