Ledź nie kožnuju vosień pierad mnohimi biełarusami — asabliva tymi, u kaho jość dača ci dom u vioscy — paŭstaje sakralnaje pytańnie: Kudy Padzieć Jabłyki? Sioleta, mahčyma, hetaja prablema tyčycca chutčej hryboŭ. Ale dla tych, kamu ŭžo nadakučyła tradycyjnaja šarłotka, a jabłyki ŭsio nie zakančvajucca, u mianie jość vydatny varyjant.
Hety kieks, možna skazać, nie «ź jabłykami», a «ź jabłykaŭ», bo ciesta ŭ im — absalutny minimum. Zatoje šmat karysnych i smačnych dadatkaŭ nakštałt arechaŭ i razynak, a taksama niespadziavanka — prasłojka z syru, jakaja dadaść pikantnaści i niezvyčajnaści.
Vam spatrebicca:
- 300 h jabłykaŭ (lepš kisłyja)
- 50 h cukru
- 75 h muki
- 1/2 č.ł. razrychlalniku
- drobka soli
- 25 h pasiečanych arechaŭ (funduku)
- 50 h razynak
- 60 mł aleju biez pachu
- 1 jajka
- 150 h ćviordaha syru (luboha, nakštałt «Śmietankovaha»)
Jak hatavać:
1. Jabłyki pačyścić i parezać tonkimi łustačkami.
2. Źmiašać muku, cukar, razrychlalnik, sol, razynki i arechi. Dadać jabłyki, pieramiašać.
3. Uźbić jajka z alejem i dadać u jabłyčna-mučnuju sumieś.
4. Vykłaści ŭ formu pałovu ciesta, źvierchu vykłaści bujna nacierty syr, zatym pakłaści reštu ciesta.
5. Vypiakać na 170ᵒS kala 1,5 hadziny.
Čytajcie taksama:
Pakul siezon. Hety šykoŭny piroh sa ślivami varta śpiačy jak najchutčej
Ciapier čytajuć
Stała viadoma pra aryšt papularnaj mastački Aksany Šalapinaj3
Kamientary
i jašče. a jak pa-biełarusku budzie "hazietnaja utka"? hazietnaja kačka?