Ceny masła na jeŭrapiejskim rynku dasiahnuli rekordnych uzroŭniaŭ.
Masła — u deficycie. Jahonaja papularnaść u spažyŭcoŭ vyrasła, paśla taho jak dyjetołahi jaho reabilitavali, a marharyny na asnovie palmavaha aleju, naadvarot, vyjšli z mody. Miž tym vytvorčaść małaka ŭ Jeŭropie apošnija hady nie paśpiavała za rostam popytu na małočnyja pradukty.
Da taho ž, vytvorčaść masła ŭ Jeŭropie ŭ 2017-m upała na 5% paśla libieralizacyi rynku i skasavańnia datacyj fiermieram.
U vyniku cana masła na hurtovym rynku ES dasiahnuła 7283 dalaraŭ za tonu (pryblizna 2,85 biełaruskaha rubla ŭ pieraliku na 200 hramaŭ).
Kali ŭličyć nacenku handlovych sietak, biełaruskaje masła na palicach jašče tannaje. Pakolki rynak masła hłabalny, imavierna, ceny na masła ŭ Biełarusi taksama padrastuć.
Užo siońnia «Jeŭraopt» prapanuje 180 h 65-pracentavaha masła vytvorčaści Pastavy za 2,09 rubla. Darahoje 72%-naje vaŭkavyskaje (180 h) kaštuje 2,69 rubla. U bolšaści drobnych kram ceny jašče vyšejšyja.
Ahułam na siońnia ceny varjirujucca ad 2,3 da 3,5 rubloŭ u pieraliku na 200-hramovy pačak.
Paraŭnoŭvaju sa svaimi čekami dvuchhadavoj daŭniny: masła kaštavała tady 1,58—2,2 rubla. Takim čynam, rost cany skłaŭ kala 50% za dva hady.
***
Na telehram-kanał «Našaj Nivy» možna padpisacca tut.
-
ŠI-hihant Anthropic padaŭ zajaŭku na IPO, apiaredziŭšy OpenAI
-
«Santa Bremar» choča adsudzić pravy na brend u viadomaha rasijskaha vytvorcy, jakoha pryznali ekstremisckim za padtrymku USU
-
Amierykanskamu ŭłaśniku parku «Suła», vychadcu ź Biełarusi, pradali budynki byłoha jaŭrejskaha hieta ŭ Navahrudku
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary