Pra heta kiraŭnik dziaržavy zajaviŭ siońnia padčas interviju zamiežnym ŚMI.
Biełaruś zaŭždy imknułasia naładzić dobryja dačynieńni z Eŭropaj.
Pra heta zajaviŭ siońnia Alaksandar Łukašenka padčas interviju zamiežnym ŚMI: hazetam «Financial Times» i «Frankfurter Allgemeine Zeitung»
«Z samych pieršych dzion majho prezydenctva ja dakładna akreśliŭ zamiežnapalityčnuju stratehiju krainy, zychodziačy z taho, što jana pavinna być šmatvektarnaj. (…) Heta pradyktavana samim hieahrafičnym stanovičšam krainy, bo, jak viadoma, Biełaruś nia tolki nieadjemnaja častka Eŭropy, ale i jaje hieahrafičny centar», ‑‑ skazaŭ Łukašenka.
«Biełarusy nikoli nie chacieli nijakaha abvastreńnia sa svaimi susiedziami».
Łukašenka dadaŭ, što ekanomika sama šturchaje Biełaruś da taho, kab pravodzić adkrytuju šmatvektarnuju palityku.
«Kali vy kažacie, što dla vas važnyja parlamenckija vybary, to my całkam adkryli dla vas krainu:idzicie, hladzicie, nazirajcie, ci ŭ adpaviednaści z našymi zakonami prachodzić pieradvybarčy peryjad, daterminovaje hałasavańnie i sami vybary», ‑‑ skazaŭ Łukašenka.
Kiraŭnik dziaržavy padkreśliŭ, što choča Zachad taho ci nie, novy parlament budzie abrany, i pytańnie pra toje, jakim jon budzie, vyrašyć biełaruski narod.
Razam z tym, prezydent skazaŭ: «My chočam, kab vy nas ŭspryniali i pryznali našy vybary».
Łukašenka skazaŭ, što kiraŭnictva Biełarusi nia choča vystrojvać stasunki z Zachadam cieraz tuju žaleznuju kurtynu, jakuju jany sami pabudavali na miažy ź Biełarusśju.
«My chočam kantaktavać z vami va ŭsich sferach: ad navuki da samych składanych pytańniaŭ ŭzajemadačynieńniaŭ pamiž dziaržavami».
Kamientary