Žurnalist Vasil Siamaška datyčny da spravy Šarojki? Śćviardžajuć, što heta jon pieradaŭ «sakretnyja» dakumienty
Partał «Biełpraŭda» sa spasyłkaj na svaje krynicy paviedamiŭ, što były žurnalist niezaležnych biełaruskich vydańniaŭ Vasil Siamaška i jość tym zahadkavym «žurnalistam NTV», datyčnym da zatrymańnia ŭkrainca Paŭła Šarojki. Šarojka ciapier zatrymany, jaho abvinavačvajuć u pracy na ŭkrainskuju raźviedku.
Raniej paviedamlałasia, što žurnalist NTV vyciahnuŭ ukrainskaha žurnalista na sustreču, prapanujučy pieradać jamu niejkija dakumienty, ź jakimi Šarojku i zatrymali.
«Stała viadoma, što ŭkrainski žurnalist [Pavał Šarojka] byŭ zatrymany adrazu paśla sustrečy z hramadzianinam Biełarusi Vasilom Siamaškam, jaki z hetaha hodu — rasijski žurnalist karpunkta NTV u Biełarusi. Vasila nielha nazvać ardynarnaj asobaj. Mnohija kalehi pamiatajuć jaho ekzaltavanyja ŭčynki, takija, jak, naprykład, sproba zarehistravać svajho kata kandydatam u prezidenty ŭ 2015-m. Pajezdka na akupavanuju častku Danbasa, paśla jakoj jon nie saromieŭsia demanstravać fota sa svajoj mašyny, u jakoj vaziŭ terarystaŭ «DNR» i ich zbroju. Jašče raniej, u 2013-m, Siamaška nie chavaŭ, što padtrymlivaje stasunki z načalnikam adnaho z upraŭleńniaŭ Apieratyŭna-analityčnaha centra pry prezidencie», — napisała «Biełpraŭda».
Varta adznačyć, što «žurnalist NTV», jaki pieradaŭ «sakretnyja dakumienty», zastaŭsia na svabodzie.
Siamaška, da jakoha my dazvanilisia, nijak nie kamientuje hetyja słovy i nie abviarhaje taksama.
«Spytajciesia ŭ aŭtaraŭ», — skazaŭ jon.
Raniej Siamaška pracavaŭ u infarmacyjnym ahienctvie BiełaPAN, potym niejki čas supracoŭničaŭ z rasijskim prapahandysckim «Sputnikam», a ŭrešcie asieŭ na NTV. Viadoma, što ŭ BiełaPAN jon pryjšoŭ paśla taho, jak jaho departavali z Hiermanii.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary