1. Jaŭhienija Janiščyc: Tvory, žyćciapis, kamientaryi. Tom 2
Źmiest 2-ha toma čatyrochtomnaha vydańnia składajuć vieršy sa zbornika «Kalina zimy», šeść paem (adna ź ich — «Zaviei śniežańskaj pialostki» — upieršyniu drukujecca ŭ knižnym vydańni) i 21 prazaičny tvor (5 publikujucca ŭpieršyniu).
U dadatkach — biblijahrafičny pakazalnik prac pra Janiščyc, pryśviečanyja paetesie vieršy (136 vieršaŭ 95 aŭtaraŭ), paema, znomy, pjesa, apovieść; uspaminy pra jaje (34 aŭtary)…
2. Kastuś Ćvirka. Zorka fiłamataŭ
200 hadoŭ nazad, vosieńniu 1817 hoda, studenty-biełarusy Vilenskaha ŭniviersiteta stvaryli znakamitaje Tavarystva fiłamataŭ, jakoje dało pačatak novaj biełaruskaj litaratury. U knihu ŭvajšli narysy i ese pra Adama Mickieviča, Tamaša Zana, Jana Čačota, Anufryja Pietraškieviča, Ihnata Damiejku, a taksama ich papiarednikaŭ i paśladoŭnikaŭ.
3. Historyja Sapiehaŭ: žyćciapisy, majontki, fundacyi. Ukłaŭ Jaŭstach Sapieha.
Heta svajeasablivaja encykłapiedyja rodu Sapiehaŭ, jaki pakinuŭ značny śled u historyi Vialikaha Kniastva Litoŭskaha. Publikujucca 85 žyćciapisaŭ najbolš vydatnych pradstaŭnkoŭ rodu, siarod jakich kancler Leŭ, hietman Kazimir Jan., hienierał artyleryi i ŭdzielnik paŭstańnia Kaściuški Francišak… Čytaču prapanujucca taksama apisańni 72 sapiehaŭskich majontkaŭ i fundacyj.
4. Alaksandr Sieržputoŭski. Palešuki-biełarusy. Etnahrafičny narys
Heta pieršaje biełaruskaje vydańnie rukapisu Sieržputoŭskaha (1864—1940), stvoranaha ŭ 1908 h. dla Rasijskaha etnahrafičnaha muzieja, dzie jon zachoŭvajecca da ciapierašniaha času. Vydańnie ŭtrymlivaje malunki, čarciažy i padborku aŭtarskich fota 1910 h. z ekśpiedycyi ŭ Centralnaje Paleśsie.
5. Alaksiej Nienadaviec. Lehiendy starych młynoŭ
Kniha pryśviečana historyi ŭźniknieńnia i raźvićcia młynarstva ŭ Biełarusi. Padkreślivajecca, što ŭ narodnym asiarodździ młynary, choć rabili tolki dobruju spravu, časta ličylisia varažbitami, čornymi znacharami. Aŭtar cytuje mnostva vusnapaetyčnych i litaraturnych tvoraŭ pra heta.
Hetyja i inšyja vydańni možna adšukać u kniharni «Akademičnaja kniha» (Minsk, pr.Niezaležnaści, 72).
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ56
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1818
Kamientary