Turkmienskija pravaachoŭniki šukajuć «parušalnikaŭ», jakija praz darahoŭlu tualetnaj papiery vykarystoŭvajuć haziety z vyjavaj prezidenta Hurbanhuły Bierdymuchamiedava, paviedamlaje rasijskaja «Novaja hazieta».
U horadzie Humdah na zachadzie krainy ź minułaha tydnia ŭčastkovyja inśpiektary abaviazany abychodzić prybiralni ŭ pryvatnych padvorkach. Akramia damoŭ pavinny abychodzić zvałki, kab šukać zapeckanyja kavałki haziet.
«Znajści ich nieskładana: na kožnaj haziecie napisany numar doma padpisčyka. Tut reč jakaja: tualetnaja papiera ŭ Turkmienistanie darahaja, a na haziety prymušajuć padpisvacca kožnuju siamju. I nie trapić — va ŭsich sensach — na Bierdymuchamiedava vielmi składana: jon realna na kožnaj vokładcy hałoŭnaj štodzionnaj haziety krainy «Niejtralny Turkmienistan», — raspaviadaje aŭtar artykuła.
Pavodle jaho słoŭ, heta nie pieršaje palavańnie na haziety ŭ tualetach Turkmienistana. U sakaviku ŭ horadzie Harahły za hazietu ŭ prybiralni zvolnili dyrektarku miascovaj škoły.
Aŭtar kaža, što kali paśla pieršaha razu čałavieka złoviać z hazietaj znoŭ — jamu pahražaje zvalnieńnie z pracy.
Pa infarmacyi vydańnia, u Turkmienistanie zaraz charčovy kryzis i praktyčna niama najaŭnych hrošaj. Naziralniki adznačajuć najmacniejšy deficyt lubych tavaraŭ.
-
Bieły dom ab patrabavańni viarnuć statuju Svabody: Tolki dziakujučy ZŠA francuzy ciapier nie razmaŭlajuć pa-niamiecku
-
«U razmovach z Trampam Pucin nasamreč kpiŭ ź jaho, ale Tramp hetaha nie razumieŭ z-za asablivaściej pierakładu»
-
«Erudziravany nie značyć razumny». Znatok «Što? Dzie? Kali» Raŭšan Askieraŭ vyklikaŭ zamiašańnie svaim intervju
Ciapier čytajuć
Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»10
Kamientary