Mutnaja historyja. Ci pryjazdžaŭ premjer-ministr Vienhryi Viktar Orban u Biełaruś? Raźbirajemsia
U Breście 6 červienia adbyŭsia tavaryskim matč pamiž nacyjanalnymi kamandami Biełarusi i Vienhryi. Pa źviestkach sajta pressball.by, u Biełaruś na hulniu prylacieŭ premjer-ministr Vienhryi Viktar Orban.
Aficyjna pra hety vizit nidzie nie paviedamlałasia. Orban nie pisaŭ pra pajezdku ŭ svaich sacyjalnych sietkach, niama nivodnaha fotazdymka kiraŭnika Vienhryi ŭ Biełarusi. Nie čuvać było, kab Orban sustreŭsia z Alaksandram Łukašenka ci z kimści ź inšych vysokapastaŭlenych čynoŭnikaŭ.
U pasolstvie Vienhryi ŭ Biełarusi nam skazali: «Ni abvierhnuć, ni paćvierdzić hetuju infarmacyju my nie možam». Słova ŭ słova taki samy kamientar daŭ vykanaŭca abaviazkaŭ pres-sakratara MZS Andrej Šuplak.
U Vienhryi jość hanarovaje konsulstva ŭ Breście. U hetym horadzie i adbyvałasia hulnia. Nam udałosia źviazacca z Uładzimiram Kulašovym, jaki źjaŭlajecca pamočnikam konsuła i adnačasova namieśnikam dyrektara pa ahulnych pytańniach «Santa-Bremar».
«Pasoł Viłmaš Sikłavary prysutničaŭ. Orbana čakali, ale jaho nie było. Prynamsi pasoł byŭ adzin, ja ź im hutaryŭ. Byŭ taksama handlovy pradstaŭnik. U lubym vypadku ŭ nas niama paćvierdžańnia, što premjer-ministr Vienhryi byŭ na hulni», — skazaŭ spadar Kulašoŭ.
Adziny, chto paćviardžaje vizit Viktara Orbana na hulniu ŭ Brest, — pradstaŭnik Biełaruskaj fiederacyi futboła Dźmitryj Hierčykaŭ. «Tak, Orban byŭ na matčy, heta viadomy fakt i heta dakładna», — skazaŭ Hierčykaŭ.
Sama hulnia skončyłasia ź likam 1:1, ale biełarusy mieli istotnuju pieravahu.
Viktar Orban — adzin z samych charyzmatyčnych kiraŭnikoŭ siońniašniaj Jeŭropy. U Vienhryi jon karystajecca vialikaj padtrymkaj, časam jaho abvinavačvajuć u aŭtarytarnych zamaškach.
Ciapier čytajuć
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie
Kamientary