Na 77-m hodzie žyćcia nie stała byłoha ministra ŭnutranych spravaŭ Uładzimira Dańko, pra heta paviedamlaje sajt UUS Minskaha abłvykankama.
Uładzimir Dańko naradziŭsia ŭ 1941 hodzie ŭ vioscy Servač Karelickaha rajona. Ad 1965 u struktury MUS. Słužyŭ u milicyi Centralnaha, Maskoŭskaha i Frunzienskaha rajonaŭ Minska. Ad 1985 da 1991 uznačalvaŭ Hrodzienskuju abłasnuju milicyju. Sam jon nazyvaŭ hety pieryjad «załatym časam». Ad 1991 — namieśnik ministra.
Ministram Uładzimir Dańko byŭ mienš za hod, u 1994-m. Tady premjer-ministram byŭ Viačasłaŭ Kiebič. Potym jaho źmianiŭ Juryj Zacharanka.
Ad 1995 da 1998 Uładzimir Dańko byŭ kiraŭnikom Akademii MUS. Pakinuŭ pa sabie aŭtabijahrafiju «Ja, Uładzimir Dańko…».
Cikavy fakt ź bijahrafii Dańko. U 1994 hodzie na jaho ledź nie zaviali kryminalnuju spravu… za źbićcio Alaksandra Łukašenki. Vydańnie naviny.by adznačaje, što milicyjaniery nie puścili «bieź piaci chvilin» prezidenta Łukašenku ŭ jahony apiačatany kabiniet u Viarchoŭnym Saviecie. U vyniku Łukašenku parvali pinžak i pastavili paru siniakoŭ.
Chto davaŭ takoje rasparadžeńnie pastavym milicyjanieram, nieviadoma. Pa adnoj ź viersii, heta byŭ Uładzimir Dańko, ale dokazaŭ hetamu nie było.
Ciapier čytajuć
Čaćviortuju liniju minskaha mietro paviaduć u Dražniu. A «Ślapianka» i «Daŭhabrodskaja» źmianili svajo miesca3
Kamientary