Pasłuchaje Čorny aroł ci nie, a tryadzinaja pijaraŭskaja zadača-minimum vykananaja. Kamentar pra hutarku Łukašenki z karespandentam «Uoł-stryt džorneł».
Łord Beł spraŭna pastaŭlaje ŭ Miensk karespandentaŭ salidnych vydańniaŭ “adtul”. Hetym razam — z “Uoł-stryt džorneł”. Sam vybar śviedčyć, što Łukašenku chaciełasia b zamirycca sa Štatami. Ale tak, kab ničym asabliva nie achviaravać.
Biełaruski aficyjny lider vykłaŭ svaje pažadańni ŭ firmavaj manery. Zavočna pračytaŭ biazvusamu kiraŭniku ZŠA maleńkuju lekcyju na temu adzinstva słova i spravy: “Kali jon choć u čym-niebudź adydzie ad abiacańniaŭ, značyć, jon palityčny bankrut. Paabiacaŭ — vykonvaj. Kali siońnia niešta nie atrymałasia, to idzi i tłumač, čamu heta nie atrymałasia i kali ty heta zrobiš zaŭtra".
Momant dla interviju vybrany vielmi ŭdała. Zrazumieła, u Abamy da biełaruskaha pytańnia jašče nia chutka ruki dojduć. A jahony mienski kaleha ŭžo vykłaŭ umovy i takim čynam atrymaŭ psychalahičny vyjhryš u vačoch elektaratu. Ciapier, kali narmalizacyi nie atrymajecca, možna budzie skazać: nie pasłuchaŭ novy haspadar Biełaha doma razumnych paradaŭ, nie pacisnuŭ praciahnutaj ruki!
Tak, Abama pryjšoŭ na łozunhach pieramienaŭ, u tym liku i ŭ zamiežnaj palitycy. Jon moža vyjavić peŭnuju hnutkaść u biełaruskim pytańni. Adnak praryvu ŭ dačynieńniach z Vašynhtonam čakać ciažka.
“My pavinny viarnucca da taho etapu, jakaści, jakija byli da kryzysu”, — stavić ramkavuju umovu Łukašenka. Heta možna razumieć i tak: napačatku skasujcie ekanamičnyja sankcyi suprać “Biełnaftachimu”, praź jakija i razharełasia dyplamatyčnaja vajna. Amerycy ž važnyja choć symbaličnyja sastupki ŭ sakralnych sferach demakratyi dy pravoŭ čałavieka. Štaty značna mieniej, čym Eŭraźviaz, źnitavanyja ź Biełaruśsiu ekanamična, infrastrukturna — adpaviedna mienšyja i intencyi da “prahmatyčnaha dyjalohu”.
Jak zaznačaje palitolah Andrej Fiodaraŭ,
stupień sastupak patrabavańniam ZŠA zaležyć vyklučna ad taho, nakolki mocna zakranie Biełaruś kryzys.
Pakolki premjer Sidorski kaža ab jaho symptomach nasupierak ustanoŭcy prezydenta, što kryzysu ŭ nas, maŭlaŭ, niama i nia budzie, — to sprava, musić, surjoznaja. Rasieja ŭžo zdałasia i maralna rychtujecca da devalvacyi svajho rubla. Tut nam i hukniecca “bratniaja intehracyja”.
Darečy, Łukašenka ŭ hutarcy z karespandentam “Uoł-stryt džorneł” zajaviŭ, što biełaruski bok padtrymaje Rasieju ŭ jaje “adekvatnych dziejańniach” u adkaz na raźmiaščeńnie amerykanskich supraćrakiet u Eŭropie.
Hetamu verbalnamu žestu nia varta nadavać zališniaha značeńnia. Nakolki možna zrazumieć z kantekstu, havorka pakul što idzie vyklučna pra rasiejskija “Iskandery” ŭ Kalininhradzie. Žadańniem realna ŭłazić u “asymetryčny adkaz” Miensk zusim nie haryć.
Karaciej, pasłuchaje Abama ci nie, a tryadzinaja pijaraŭskaja zadača-minimum vykananaja. Mesydž Vašynhtonu, reverans u bok Maskvy i ŭražańnie na ŭłasny elektarat: vo jak “baćka” ichniaha maładoha prezydenta rozumu navučaje!
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ1
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary