Rektaram MITSO zamiest kontrraźviezdčyka Kniazieva staŭ prakuror Paźniak
U kancy žniŭnia źmianiŭsia rektar u Mižnarodnym MITSO. U saviecki čas heta była prafsajuznaja VNU. Z razvałam SSSR źmianiła nazvu, ciapierašniaje najmieńnie MITSO nabyło ŭ 2011 hodzie, a rasšyfroŭvajecca abrevijatura, jak Mižnarodny instytut pracoŭnych i sacyjalnych adnosin.
Apošnija siem hadoŭ rektaram ustanovy byŭ Stanisłaŭ Kniazieŭ. Uradženiec Novasibirska, vypusknik Vyšejšaj škoły KHB. Jon uznačalvaŭ vajskovuju kontrraźviedku KDB Biełarusi ŭ pačatku 1990-ch. U 2001 staŭ namieśnikam dziaržsakratara Rady biaśpieki, praź miesiac pryznačany namieśnikam kiraŭnika Administracyi prezidenta (zamiest Zamiatalina). U 2003 staŭ rektaram Akademii kiravańnia. Kniazievu 69 hadoŭ.
Novym rektaram staŭ Vadzim Paźniak, jamu 42 hady. Apošnija paru hadoŭ jon źjaŭlaŭsia namieśnikam rektara ŭ Akademii kiravańnia pa administracyjna-haspadarčaj pracy.
«Viadzie pytańni administracyjna-haspadarčaha adździeła, adździeła kapitalnaha budaŭnictva, adździeła materyjalna-techničnaha zabieśpiačeńnia, redakcyjna-vydavieckaha centra, žyllovaha kompleksu, spartyŭnaha kompleksu, centra «Handlovy kompleks Akademii kiravańnia pry Prezidencie Respubliki Biełaruś», słužby achovy, biuro achovy pracy, zdraŭpunkta», — było napisana pra jaho na sajcie.
U Akademiju kiravańnia Vadzim Paźniak trapiŭ z Hienieralnaj prakuratury, dzie byŭ staršym prakuroram adździeła pa nahladu za vykanańniem zakanadaŭstva ab niepaŭnaletnich i moładzi.
U bytnaść pracy prakuroram Vadzim Paźniak zaplamiŭ siabie sudom nad Paŭłam Sieviaryncam i Mikołam Statkievičam, jakich sudzili za šeście pa praśpiekcie paśla referendumu 2004 hoda. Jon prasiŭ asudzić apazicyjanieraŭ na 3 hady «chimii», sudździa zadavoliŭ takoje prašeńnie.
U 2005 Paźniak byŭ prakuroram na palityčnym pracesie nad Andrejem Klimavym za arhanizacyju Dnia Voli. Paźniak prasiŭ try hady kałonii, sud daŭ palityku 1,5 hoda «chimii».
Namieśnikam rektara ŭ MITSO źjaŭlajecca były ministr abarony Leanid Malcaŭ. Stanisłaŭ Kniazieŭ staŭ hanarovym rektaram VNU.
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5757
Kamientary