Štodzionnaje ŭžyvańnie aśpirynu nie dapamahaje padoŭžyć žyćcio pažyłych ludziej, vyśvietliła hrupa navukoŭcaŭ z Aŭstralii i ZŠA. Vyniki daśledavańnia byli apublikavanyja ŭ časopisie The New England Journal of Medicine.
Ekśpierymient pravodziŭsia na praciahu piaci hadoŭ. U im uziali ŭdzieł bolš za 19 tysiač čałaviek u Aŭstralii i ZŠA. Ich siaredni ŭzrost skłaŭ 74 hady, pry hetym jany nie mieli invalidnaści i nie pakutavali ad sardečna-sasudzistych zachvorvańniaŭ abo demiencyi. Pałova doślednych štodnia prymała 100 milihramaŭ aśpirynu, u toj čas inšyja ŭdzielniki atrymlivali płaceba.
Daśledavańnie pakazała, što značnych adroźnieńniaŭ u častacie vypadkaŭ śmierci, invalidnaści abo raźvićcia demiencyi pamiž udzielnikami ekśpierymientu nie było. Razam z tym, ryzyka surjoznaha kryvacioku siarod tych, chto prymaŭ aśpiryn, skłała 3,8% suprać 2,8% siarod tych, chto atrymaŭ płaceba.
«Pryjom aśpirynu zdarovymi pažyłymi ludźmi na praciahu piaci hadoŭ nie pavialičvaŭ praciahłaść žyćcia i vioŭ da pavieličeńnia kolkaści surjoznych kryvaciokaŭ», — zaklučyli daśledčyki.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy55
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary