Nadychodzić Dzień maci, i, kaniečnie, nam chočacca padaryć svaim matulam niešta kłasnaje. Moža, novy šalik, patelniu ci jašče što-niebudź? Nasamreč, hałoŭny padarunak dla našych matul — heta kali my pryjazdžajem u hości, siadajem ź imi za stoł i smakujem stravy, pryhatavanyja ź ciepłynioj i kłopatam.
Tolki ciapier ja ŭśviedamlaju, jak heta było niepryjemna, kali ja ŭ dziacinstvie admaŭlałasia jeści toje, što pryhatavała mama. A voraham numar adzin dla mianie byli faršyravanyja piercy i hałubcy. Hladzieć na ich nie mahła.
Ale siońnia, kali ja pryjazdžaju da maci i jana stavić pierad nami talerku z faršyravanymi piercami, mianie składana ad ich adciahnuć. Pakaštujcie i vy!
Na 4 porcyi:
- 8 siarednich piercaŭ;
- 400 hr. faršu śvinina-kuryca;
- 0,5 šklanki rysu;
- 1 cybulina;
- 1 morkvina;
- niekalki halinak piatruški;
- 2 st. ł. aleju;
- 50 hr. tamatnaj pasty
- 1 šklanka śmiatany;
- sol;
- pierac.
Piercy myjem i akuratna zrazajem vierch, prybirajem nasieńnie. Piercy varym u kipni chvilin 7, dastajom i ablivajem chałodnaj vadoj.
Rys treba zvaryć da paŭhatoŭnaści (prykładna 8 chvilin) u salonaj vadzie. Cybulu zdrabniajem, morkvu trom na tarcy. Piatrušku drobna siačom.
Na patelni razahravajem alej, smažym cybulu i morkvu.
Źmiešvajem farš, rys, morkvu i cybulu, dadajem sol i pierac. Dobra pieramiešvajem. Napaŭniajem piercy načynkaj i układvajem ich u kastrulu dziračkaj uvierch. Źmiešvajem tamatnuju pastu sa śmiatanaj i šklankaj ciopłaj vady, solim, zalivajem sumieśsiu piercy. Nakryvajem nakryŭkaj i tušym na maleńkim ahni chvilin 40. Padajom sa śmiatanaj.
Smačna jeści!
Možacie pasprabavać zrabić i posny varyjant načynki. Dla hetaha miasa zamianiajem pryhatavanym bułhuram, rys nie dadajom. Abo robim načynku z rysu, morkvy i kmienu.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha17
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu112112
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu112
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary