Kiraŭnik jevanhielskich chryścijan-baptystaŭ pra słovy mitrapalita Paŭła: Budziem dabrasłaŭlać tych, chto nas praklinaje
Leanid Michovič.
Čytajcie taksama: Mitrapalit Pavieł: Baptysty jak cyhany — ahitujuć, pakul nie abbiaruć čałavieka VIDEA
Jepiskap Sajuza jevanhielskich chryścijan-baptystaŭ u Biełarusi Leanid Michovič asudziŭ zajavy pravasłaŭnaha mitrapalita Minskaha i Zasłaŭskaha Paŭła pra baptystaŭ, u jakich toj nazvaŭ ich siektantami, paraŭnaŭ ich niehatyŭna z cyhanami i zaklikaŭ nie kantaktavać ź imi na relihijnyja temy.
«My ličym takija zajavy ŭ adras inšych viernikaŭ abo asob inšaj nacyjanalnaści niedapuščalnymi, asabliva ad čałavieka, jaki zajmaje takoje vysokaje stanovišča. Historyja i kultura Biełarusi vučyć nas pamiarkoŭnaści i zyčlivaści ŭ dačynieńni da ludziej lubych nacyjanalnaściaŭ i viernikaŭ roznych kanfiesij, uličvajučy, što prava na svabodu vieravyznańnia zamacavana zakonam», — zajaviŭ jon.
Leanid Michovič vykazaŭ nadzieju, što mitrapalit Pavieł pryznaje svaju pamyłku. «Pamiatajučy zapaviedzi Chrysta, budziem dabrasłaŭlać tych, chto nas praklinaje, čynić dobraje nienaviśnikam našym i malicca za kryŭdzicielaŭ», — skazaŭ jepiskap.
«Žadajem dasrasłaŭleńnia i dastatku ŭsim narodam, što nasialajuć naš pryhožy kraj, u tym liku cyhanam, i asabliva cyhanam-baptystam, jakija jość u našych cerkvach», — padkreśliŭ Leanid Michovič.
Kamientary