Byłyja prezident i pieršaja łedzi ZŠA Barak i Mišel Abamy ŭznačalili rejtynh pierson, jakimi amierykancy zachaplajucca bolš za ŭsio. Adpaviednaje apytańnie štohod z 1946 hoda pravodzić kampanija Gallup.
Pa vynikach 2018 hoda Mišel Abama ŭpieršyniu stała pieršaj siarod žančyn — u simpatyjach da jaje pryznalisia 15% hramadzian ZŠA. Da hetaha 17 hadoŭ zapar u rejtynhu pieršynstvavała byłaja dziaržsakratar ZŠA Chiłary Klintan. U novym apytańni jana dzielić treciaje miesca ź pieršaj łedzi ZŠA Miełani Tramp (4%). Druhoj stała Opra Uinfry (5%), a zamykaje pieršuju piaciorku karaleva Vialikabrytanii Lizavieta II (2%).
Barak Abama ŭžo 11-y hod zapar uznačalvaje rejtynh simpatyj Gallup. Im zachaplajucca 19% amierykancaŭ. Na druhim miescy - dziejny prezident ZŠA Donald Tramp (13%). U pieršuju piaciorku taksama ŭvajšli Džordž Buš-małodšy (2%), Papa Rymski Francišak (1%) i Bił Hiejts (1%).
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary