Były ministr infarmacyi zdaje katedž u Drazdach za $3800 na miesiac. Pahladzicie FOTY interjeraŭ
Katedž u Drazdach, jaki naležyć byłomu ministru infarmacyi Alehu Pralaskoŭskamu, zdajecca za $3800 na miesiac.
Adpaviednaja prapanova źjaviłasia na sajcie ahienctva nieruchomaści «Błahadom».
Admietnaść abjavy ŭ tym, što ŭ joj navat paznačana inšaja vulica, čym taja, na jakoj u realnaści staić dom Pralaskoŭskaha. Niama i nivodnaha fotazdymku zvonku. Tak robicca, kab žurnalisty nie zmahli identyfikavać katedž.
Tym nie mienš krynicy «Našaj Nivy» paćviardžajuć, što havorka idzie mienavita pra dom Pralaskoŭskaha.
Čytajcie. Artyleryst-ideołah: top-5 faktaŭ pra zvolnienaha ministra Aleha Pralaskoŭskaha
Płošča katedža — 456 kvadratnych mietraŭ. U im šeść žyłych pakojaŭ. Na pieršym paviersie znachodziacca haścinaja i kabiniet. Na druhim — čatyry spalni i vanna z džakuzi. Na trecim, mansardnym paviersie jość hulniavy pakoj i trenažornaja zała. Narešcie, na cokalnym paviersie — sauna z pakojem adpačynku, biljard i kacielnia. Asobna staić altanka z manhałam.
Učastak u Drazdach dastaŭsia Pralaskoŭskamu, jak i inšym pradstaŭnikam łukašenkankaŭskaj namienkłatury, u siaredzinie 2000-ych. Elitnaja ziamla dastałasia jamu zadarma albo amal zadarma.
Chto susiedzi eks-ministra? Pobač staić dom Natalli Piatkievič, jakaja ŭ svoj čas była namieśnicaj kiraŭnika Administracyi prezidenta. Praz darohu — katedžy śviatara Fiodara Poŭnaha i biznesmiena Paŭła Tapuzidzisa (jon adzin ź niamnohich, chto sam kuplaŭ dom).
Čytajcie. Ad Abielskaj da Jarmošynaj: 112 uładalnikaŭ katedžaŭ u Drazdach, poŭny śpis
Krynicy «Našaj Nivy» śćviardžajuć, što Aleh Pralaskoŭski paśla adstaŭki pierajechaŭ u Rasiju i zajmajecca biznesam u Padmaskoŭi. Jaho siamja zastałasia ŭ Biełarusi.
Čytajcie. Žonka Pralaskoŭskaha ŭznačalvaje pravavy adździeł BiełTA — čym žyvie siamja byłoha hałoŭnaha ideołaha krainy
Aleh Pralaskoŭski
Naradziŭsia ŭ 1963 hodzie ŭ Sierhijevym Pasadzie ŭ Rasii. Skončyŭ Minskaje vyšejšaje inžyniernaje zienitnaje rakietnaje vučylišča i jurydyčny fakultet Biełaruskaha dziaržaŭnaha ŭniviersiteta.
Pracavaŭ zahadčykam adździeła ŭ Słužbie biaśpieki Prezidenta Biełarusi, hienieralnym dyrektaram BiełTA, namieśnikam kiraŭnika Administracyi prezidenta (2003—2007), pamočnikam prezidenta — načalnikam Hałoŭnaha ideałahičnaha ŭpraŭleńnia Administracyi prezidenta (2007—2008), dyrektaram Infarmacyjna-analityčnaha centra pry Administracyi prezidenta (2008—2009), ministr infarmacyi (2009—2014).
Čytajcie. Były kiraŭnik ANT Kisiel zdaje katedž u Drazdach za $6500 na miesiac. Jak vam interjery? ŠMAT FOTA
-
U «Minsk-Śviecie» pačali pradavać dvuchuzroŭnievyja kvatery. Kab kupić, treba salidnyja hrošy
-
U minskaj Hrušaŭcy pradajuć kvateru z maleniečkaj kuchniaj i vialikaj canoj za kvadratny mietr
-
«Staryja špalery i abłuplenaja padłoha». Jak vyhladaje samaja tannaja kvatera Minska, jakaja kaštuje amal 50 tysiač dalaraŭ
Ciapier čytajuć
Dva sakrety, dziakujučy jakim adbyłasia karjera novaha pres-sakratara MZS Rusłana Varankova5
Dva sakrety, dziakujučy jakim adbyłasia karjera novaha pres-sakratara MZS Rusłana Varankova
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier55
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier5
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary