«Ščyra kažučy, ja pakul nie viedaju, što budzie ŭ 10-m filmie. Kali dumać, što ŭsie filmy raspaviadajuć adnu i tuju ž historyju i kožnaja z maich karcin — maleńki vahon u składzie adnaho łakamatyva, to ja chaču zrabić niejki vielizarny supierfilm, jaki zakryje łohiku ŭsiaho majho vializnaha filma», — skazaŭ Tarancina na pres-kanfierencyi ŭ Maskvie ŭ sieradu, piša TASS.
Režysior nieadnarazova kazaŭ u intervju, što paśla 10-ha filma płanuje zaviaršyć karjeru.
Amierykanski režysior pryjechaŭ u RF sa svajoj karcinaj «Adnojčy ŭ … Halivudzie».
Film vyjdzie ŭ rasijski prakat 8 žniŭnia. Padziei stužki razhortvajucca ŭ Łos-Andželesie ŭ 1969 hodzie. Jana raspaviadaje historyju eks-zorki televizijnych viesternaŭ Ryka Dałtana i jaho dublora Klifa Buta. Dziejańnie adbyvajecca na fonie padziej, źviazanych z bandaj Čarlza Mensana, i zabojstva žonki režysiora Ramana Pałanski aktrysy Šeran Tejt.
Samyja viadomyja kinastužki 56-hadovaha Tarancina — «Kryminalnaje čytvo», «Zabić Biła», «Biassłaŭnyja bajstruki», «Džanha vyzvaleny».
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary