Daŭno marycie stać prahramistam, teściroŭščykam, biznes-analitykam abo veb-dyzajnieram, ale nie viedajecie, z čaho pačać? Ci cikava daviedacca, kaho jašče čakajuć u śfiery infarmacyjnych technałohij? A moža, užo pracujecie ŭ IT, ale chočacie zrabić nastupny krok u svajoj karjery?
Biaspłatnaja navučalnaja kanfierencyja z pafaryjentacyjaj Open IT — realny šaniec dałučycca da IT-supolnaści, prapampavać skiły, atrymać rekamiendacyi pa pracaŭładkavańni i znajści pracu, pahutaryć ź cikavymi ludźmi i daviedacca bolš pra apošnija tendencyi ŭ śviecie IT. Arhanizatar — IT-Academy (Adukacyjny centr Parka vysokich technałohij).
Kanfierencyja projdzie 21 vieraśnia ŭ Minsku. Zarehistravacca možna na aficyjnym sajcie openit.by. Zaprašajucca ŭsie, chto šukaje svoj šlach u IT i imkniecca da prafiesijnaha raźvićcia.
Padčas Open IT 2019 zapłanavana kala 20 vystupaŭ śpikieraŭ. Adnačasova buduć pracavać dva lekcyjnyja patoki:
— «IT-śpiecyjalnaści. Technałohii. Karjera i pracaŭładkavańnie» — dla tych, chto choča ŭ IT, ale nie moža vyrašyć, jakuju prafiesiju vybrać, ci ŭ dadzieny momant prachodzić navučańnie i tolki rychtujecca da pošuku pieršaj pracy ŭ IT-śfiery.
— «Prafiesijny rost sučasnaha IT-śpiecyjalista» — dla tych, chto ŭžo maje dośvied pracy ŭ IT i stavić pierad saboj novyja karjernyja mety.
Akramia taho, projduć majstar-kłasy pa Sitecore, raźvićci Soft skills, prodakt-mieniedžmientu, kibiersporcie, teściravańni, internet i kantent-markietynhu. Taksama adbuducca ekspres-hutarki z HR IT-kampanij i panelnaja dyskusija pa temie pracaŭładkavańnia ŭ IT.
Open IT — heta vydatnaja placoŭka dla netvorkinhu. Budzie arhanizavana asobnaja zona, dzie kožny zmoža pahutaryć sa śpikierami i viadučymi IT-śpiecyjalistami. Karysnaj infarmacyjaj z vami padzielacca Amina Idzihava (Full stack HR), Julija Šamrej (biznes-analityk u IT, CBAP), Kaciaryna Nazarava (IDT technologies), Arciom Kancavy (dev.by), Jan Ahiejenka (viadučy UI / UX-trenier), Alaksiej Minkievič (Juno), Raman Ahalichin (SoftTeco), Ksienija Dobrava (Gurtam), Vadzim Papko (Sam Solutions), Natalla Piskunova (biznes-kansultant, vykładčyk MBA), Alena Voŭčak (iTechArt) i mnohija inšyja pradstaŭniki IT-industryi.
Data i čas: 21 vieraśnia, z 9:00 da 18:15.
Miesca: hatel «Piekin» (h. Minsk, vuł. Čyrvonaarmiejskaja, 36).
Tytulny partnior: Syberry.
Partniory: EPAM, Helmes Bel, «Alfa-Bank», Qulix Systems, SoftTeco, Wargaming, Ahmad Tea, 9BAR, VIP-PRESENT Chocolatier, BonBon.by.
Źviartajem uvahu, što na sajcie openit.by ŭžo adkryta rehistracyja na lekcyjnyja patoki i ekspres-sumoŭi (pry sabie abaviazkova treba mieć reziume). Paźniej źjaviacca asobnyja rehistracyi na kožny majstar-kłas. Dałučajciesia da iventu ŭ Facebook abo Vkontakte, kab nie prapuścić naviny kanfierencyi.
Ciapier čytajuć
«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada9
Kamientary