Lehiendarny śpiektakl «Tutejšyja» znoŭ źjavicca ŭ afišy Kupałaŭskaha teatra. Pra heta režysior Mikałaj Pinihin zajaviŭ na pres-kanfierencyi, pryśviečanaj 100-hadovamu jubileju teatra, piša Tut.by
Premjera śpiektakla zapłanavana na červień 2020 hoda.
— Mianie prymusili heta zrabić. Šmat ludziej prasiła. Heta najlepšaja pjesa Janki Kupały, — skazaŭ Pinihin, tłumačačy svajo rašeńnie.
Pry hetym režysior pryznaŭsia, što ni składu, ni kancepcyi śpiektakla ŭ jaho niama. Zychodziačy z hetych słovaŭ, pakul nie zrazumieła, ci budzie heta adnaŭleńniem staroha śpiektakla ci novaj pastanoŭkaj.
Śpiektakl «Tutejšyja» byŭ pastaŭleny ŭ Kupałaŭskim ŭ 1990 hodzie, chutka staŭ kultavym i zrabiŭsia adnym ź simvałaŭ epochi.
U nulavyja hady śpiektakl niekalki razoŭ źnikaŭ z afišy. Apošnija pakazy kultavaha śpiektakla adbylisia ŭ lipieni 2007 hoda.
Ale kali viasnoj hetaha hoda Pavieł Łatuška staŭ dyrektaram Kupałaŭskaha, to sam prapanavaŭ adnavić śpiektakl.
— Skažu ščyra: śpiecyjalnych prapanoŭ nie maju. Za vyklučeńniem adnoj, jakuju ahučyŭ Pinihinu, kali jašče nie źjaŭlaŭsia dyrektaram Kupałaŭskaha teatra. Ciapier paŭtaryŭ znoŭ: adnavić pastanoŭku «Tutejšych». Heta maja prapanova, ale prymusić Mikałaja Mikałajeviča ja nie mahu, — kazaŭ Łatuška.
Na servisie VOKA płanujecca arhanizavać tranślacyju pastanovak Kupałaŭskaha.
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy18
Kamientary