Novy načalnik Hienštaba, staršynia Dziaržstandartu, kiraŭniki rajonaŭ — kadravyja pryznačeńni
Siońnia Łukašenka zrabiŭ niekalki kadravych pryznačeńniaŭ.
Zamiest Paŭła Muraviejki, jaki pryznačany namieśnikam kiraŭnika Administracyi pry Łukašenku novym načalnikam Hienieralnaha štaba — pieršym namieśnikam ministra abarony staŭ Uładzimir Bieły.
Staršynioj Dziaržstandartu staŭ Dźmitryj Basko, jaki da hetaha zajmaŭ pasadu pieršaha namieśnika staršyni Kamiteta dziaržaŭnaha kantrolu.
Aleś Dziačenka pryznačany ŭpaŭnavažanym pa spravach relihij i nacyjanalnaściaŭ. Jon byŭ namieśnikam staršyni Pastajannaj kamisii Pałaty pradstaŭnikoŭ pa mižnarodnych spravach.
Biełaruski instytut stratehičnych daśledavańniaŭ (BISD) uznačaliŭ Andrej Kuncevič.
Siarhiej Huńko staŭ hienieralnym dyrektaram Biełaruskaha dziaržaŭnaha abjadnańnia pa narychtoŭcy, pierapracoŭcy i pastaŭcy łomu i adchodaŭ čornych i kalarovych mietałaŭ — hienieralnym dyrektaram AAT «Biełdruhasčarmiet».
Jarasłaŭ Čarkaski pryznačany pasłom Biełarusi ŭ Siryi, a pa sumiaščalnictvie — u Iardanii.
Łukašenka ŭzhadniŭ pryznačeńnie dziesiaci novych kiraŭnikoŭ rajonaŭ i rajonnych administracyj.
Iryna Dubaviec uznačalić Haradocki rajvykankam, Vital Kartaleŭski — Tałačynski, Dźmitryj Sasinovič — Klecki, Ivan Damaševič — Kapylski, Žanna Ališevič — Lubanski, Vital Płatun — Słucki, Alaksandr Prataščyk — Staradarožski, a Alaksandr Anženka — Klimavicki rajvykankam.
U Minsku Mikałaj Strok stanie kiraŭnikom administracyi Partyzanskaha rajona, a Alaksandr Drahun — administracyi Pieršamajskaha rajona.
Kamientary