Vokny pavybivała, kvatery zaliło. Chto i jak budzie kampiensavać škodu ad «fantana» na Žukoŭskaha ŭ Minsku
Raboty pa likvidacyi nastupstvaŭ zdareńnia praciahvalisia ŭvieś dzień.
Učora dniom u rajonie vulicy Žukoŭskaha adbyłosia sapraŭdnaje nadzvyčajnaje zdareńnie: z-pad ziamli ŭdaryŭ fantan vyšynioj ź piacipaviarchovy dom. Adbyłosia paškodžańnie kvartalnaj sietki — byŭ paškodžany trubapravod dyjamietram 400 mm, nahadvaje Onliner.by.
U vyniku paškodžany padjezd bližejšaha doma, niekalki kvater u im i adzin aŭtamabil. Raboty pa likvidacyi nastupstvaŭ zdareńnia praciahvalisia ŭvieś dzień.
Kab vyśvietlić, što mienavita stała pryčynaj avaryi, «vinavaty» trubapravod adpraviać u łabaratoryju na daśledavańnie. Heta dapamoža praduchilić padobnyja situacyi ŭ budučyni.
Pytańnie materyjalnaj škody dla žycharoŭ abiacajuć urehulavać u štatnym paradku.
Jak raspavioŭ namieśnik hałoŭnaha inžyniera pa pracy ź piersanałam filijała «Minskija ciepłavyja sietki» RUP «Minskenierha» Andrej Mackievič, u «Minskenierha» jość dziejučy dahavor strachavańnia na vypadak niaštatnych situacyj, u adpaviednaści ź jakim budzie praviedziena acenka škody i kampiensavanyja vydatki.
«Kožny vypadak budzie razhledžany ŭ indyvidualnym paradku», — padkreśliŭ śpiecyjalist.
U pieryjad praviadzieńnia avaryjna-adnaŭlenčych rabot haračaj vady časova nie budzie ŭ niekalkich šmatpaviarchovych damach na vulicach Žukoŭskaha, Mahiloŭskaj i Varanianskaha.
Užo bližej da apoŭnačy śpiecyjalisty paviedamili, što zvaračnyja raboty na abjekcie byli zavieršanyja.
«U hety momant pravodzicca zapaŭnieńnie ciepłavoj sietki i jaje ŭklučeńnie — padača haračaj vady budzie adnoŭlena ŭ najbližejšy čas», — patłumačyli ŭ «Minskenierha».
Vykid vady byŭ spynieny ŭ 13:05, pra heta paviedamili ŭ «Minskenierha». Zaraz raboty na ŭčastku ŭ rajonie vulicy Žukoŭskaha praciahvajucca.
Udakładniajecca, što zavieršany etap adpampoŭki vady ź ciepłavoj kamiery. Zaraz enierhietyčnyja słužby filijała «Minskija ciepłavyja sietki» prystupili da ziemlanych rabot — viadziecca raskopvańnie ŭčastka dla dakładnaha vyznačeńnia miesca paškodžańnia trubapravoda.
Jak śćviardžaje čytačka Onliner.by, padčas fantanavańnia vady strumieni vybili vokny ŭ padjeździe nasuprać miesca zdareńnia:
— Vybity vokny z 2‑ha pa 5— 6‑y pavierchi, zatoplenyja kvatery, padjezd i sama vulica Žukoŭskaha, — śćviardžaje dziaŭčyna. — Z momantu pieršaha zvarotu avaryjnaja słužba prybyła na miesca tolki praz paŭhadziny.
Kamientary