U tradycyjnym režymie
Na Kastryčnickaj płoščy stalicy ŭviečary paniadziełka prajšła akcyja salidarnaści z palitviaźniami. Praź niekalki chvilin paśla pačatku akcyi śpiecnaz vyciaśniŭ jaje ŭdzielnikaŭ z płoščy.
18:27 Usich dahnali da skryžavańnia Janki Kupały i Internacyjanalnaj, paśla čaho adpuścili.
18:20 Vyciaśniajuć pazastałych u bok Pałacu Respubliki. Mocna šturchnuli Palinu Kurjanovič, jana pavaliłasia na ziamlu.
Udzielniki akcyi kryčać "Fašysty". Tyja, chto vyrvaŭsia z koła, idzie za śpiecnazaŭcami.
18:15 Vyciaśniajuć u bok Pałacu prafsajuzaŭ. Ludzi supraciŭlacca. Pavalili moładzievaha aktyvista Ŭładzia Siarhiejeva.
Da śpiecnazaŭcaŭ padyšło padmacavańnie. Ciapier ich čałaviek 50.
Faktyčna pazabirali ŭsie partrety, raściažki. Partrety valajucca pa płoščy.
18:13 Pačynajuć vyciaśniać z płoščy. Vyryvajuć z ruk raściažku.
18:12 Ad Pałacu Respubliki biahuć u kirunku ludziej śpiecnazaŭcy.
***
Na Kastryčnickaj płoščy Minska sabralisia kala 70 čałaviek.
Jany pašychtavalisia ŭ łancuh uzdoŭž praśpiekta. Trymajuć u rukach partrety aryštavanych vaŭkavyskich pradprymalnikaŭ: Aŭtuchoviča, Lavonava, Asipienki, a taksama moładzievaha aktyvista Arcioma Dubskaha, jaki siadzić u Babrujskim SIZA.
Z palitykaŭ prysutničajuć Alaksandr Kazulin, Anatol Labiedźka, Źmicier Daškievič, Źmicier Bandarenka, Andrej Sańnikaŭ, Mikoła Statkievič.
Jość siabry Maładoha frontu, Maładoj Biełarusi, Jeŭrapiejskaj Biełarusi.
Niekatoryja trymajuć u rukach śviečki.
Ludzi hukajuć "Svabodu palitviaźniam".
Mnoha ludziej u cyvilnym, usio filmujuć.
Kamientary