Z 6 listapada bilety na «Vienski bal z A1 u Kupałaŭskim» u prodažy. Kupić ich moža kožny achvotny, kamu jość 18 hadoŭ.
Nahadajem, što «Vienski bal z A1 u Kupałaŭskim» adbudziecca 14 śniežnia ŭ Nacyjanalnym akademičnym teatry imia Janki Kupały. Bal zadumany jak dabračynny: 50% atrymanych srodkaŭ pojduć na padtrymku hramadskaha abjadnańnia «SOS-dziciačyja vioski Biełaruś», što dapamahaje sirotam i dzieciam, jakija zastalisia biez baćkoŭskaha kłopatu, znajści siamju apiekunoŭ, a tym, chto znachodzicca ŭ zonie ryzyki sacyjalnaha siroctva, — pieraadoleć składanyja žyćciovyja abstaviny i zachavać rodnuju siamju.
Košt bileta na «Vienski bal z A1 u Kupałaŭskim» — 250 rubloŭ. Hości imprezy zmohuć usiu noč tancavać na bali pad supravadžeńnie Dziaržaŭnaha akademičnaha simfaničnaha arkiestra Biełarusi, paŭdzielničać u sałonnych hulniach, pasłuchać muzyčnuju prahramu ŭ vykanańni arkiestra Kupałaŭskaha teatra. Taksama praduhledžany napoi i furšetnyja zakuski.
Nabyć kvitki na «Vienski bal z A1 u Kupałaŭskim» možna ŭ kasach teatra, na sajcie kupalauski.by, a taksama va ŭsich biletnych apierataraŭ Biełarusi. Pry hetym tyja, chto kupić ich u kasie, atrymajuć u dadatak kanviert z prahramaj viečara. Zrešty, zrabić heta zmohuć i ŭładalniki elektronnych biletaŭ, kali zahadzia źviernucca ŭ kasy Kupałaŭskaha z razdrukavanym ekzemplaram ci niepasredna na ŭvachodzie ŭ teatr u dzień balu.
Na «Vienski bal z A1 u Kupałaŭskim» haściej čakajuć u strojach, jakija adpaviadajuć zaćvierdžanamu arhanizatarami dres-kodu. Dla dam heta viečarovaja sukienka da padłohi (ale nie biełaja — u biełym na bali majuć prava prysutničać tolki debiutanty); a dla mužčyn — Black tie.
Zbor haściej pačniecca ŭžo ŭ 20:00, a ŭračystaja cyrymonija adkryćcia «Vienskaha balu z A1 u Kupałaŭskim» pryznačana na 22:00.
Jašče adna mahčymaść ubačyć padziei «Vienskaha balu z A1 u Kupałaŭskim» na ŭłasnyja vočy — pramaja tranślacyja, jakaja adbudziecca na płatformie VOKA.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ34
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary