Kamientar Redakcyi.
U sacsietkach raspaŭsiudžvajuć śpis «biełaruskaha razumnaha hałasavańnia» — treba ž być modnymi, jak Navalny! Prahałasujem usie za Dźmitryjeva i Dabratvora — i budzie oho-ho!
U Rasii ideja prakaciła, bo prynamsi ŭ Maskvie i bujnych haradach tam jak-nijak ličać hałasy. Tak, kandydataŭ mohuć nie dapuskać da vybaraŭ. Tak, mohuć być ukidy hałasoŭ. Tak, u Čačni budzie 99%. Ale ŭ hłabalnym płanie padlik jość.
Toj, chto raz byŭ naziralnikam na ŭčastku ŭ Biełarusi, razumieje, što nijakaha padliku ŭ nas niama. Falsifikacyi šmatstupienčatyja, vypadzieńnie adnaho z etapaŭ nie mianiaje pryncypovuju karcinu.
Pa-pieršaje, daterminovaje hałasavańnie stvaraje nievierahodnuju jaŭku da 35% i dazvalaje ŭnačy padmianiać hetyja biuleteni.
Pa-druhoje, kožny člen kamisii ličyć svaju častku stosu, nie bačačy ahulnaj karciny (ci stvarajučy dla siabie abarončuju iluziju, što jon nie razumieje ahulnaj karciny). Ahulnuju karcinu pry žadańni moža ŭbačyć tolki staršynia kamisii, ale jana jamu niepatrebnaja — u jaho mohuć zahadzia być ličby, jakija treba napisać u pratakoł.
Pa-treciaje, navat kali staršynia kamisii skłaŭ sumlenny pratakoł (a takija adzinkavyja vypadki byvajuć), dakumient paśla pieradajecca ŭ akruhovuju kamisiju, dzie jaho mohuć prosta pierapisać. Nivodnaj adkrytaj bazy z pratakołami pa ŭčastkach niama — bo tady pasyplecca ŭsia sistema.
Nijakaj mahčymaści bačyć biuleteni i padlik u naziralnikaŭ niama. Nijakaj mahčymaści pieraličyć hałasy paśla vybaraŭ taksama niama.
I heta ŭsio biez uliku taho, što ŭ kamisijach tolki svaje ludzi, a padčas kampanii vykidvajucca tyja, chto robić zanadta šmat šumu — umoŭnaja Chalip.
Tamu hałasavać choć za kaho, kab «nas pačuli» — iluzija. Hetyja biuleteni navat nie padličać.
Plon ad razumnaha hałasavańnia, jakoje zaachvočvaje ludziej da pachodu na ŭčastak, tolki adzin — treba budzie nakručvać mienš jaŭki.
-
Kamandujučy NATA nie havaryŭ pra ŭdary pa Biełarusi ŭ vypadku napadu Rasii ź jaje terytoryi. Heta ahučvałasia ŭ raniejšaj stratehii
-
Biełaruski muziej imia Ivana Łuckieviča rychtuje vystavu da 120‑hodździa «Našaj Nivy» i prosić dapamahčy z ekspanatami
-
«Naša Niva» atrymała try žurnalisckija premii. Siarod pieramožcaŭ Buhaj i Roŭda
Ciapier čytajuć
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ3
Kamientary