Śpikier Andrejčanka kožnyja vybary ŭmacoŭvaje svaju padtrymku — sioleta amal 87%!
Śpikier Pałaty pradstaŭnikoŭ Uładzimir Andrejčanka pradkazalna pieraabraŭsia u parłamient čarhovaha sklikańnia. Jon zasiadaje ŭ Pałacie pradstaŭnikoŭ až z 2008 hoda.
Uładzimir Andrejčanka, fota BiełTA
Sioleta kamisii Dokšyckaj akruhi №22 naličyli jamu 86,94% — i heta absalutny rekord krainy.
Kankurenty atrymali svaje 2-3%.
Pryčym Andrejčanka viadzie boj jašče i z samim saboj — kožnyja vybary dekłarujecca, što jon patrochi pavialičvaje padtrymku.
- 2008 hod — 85,9%.
- 2012 hod — 86,7%.
- 2016 hod — 86,8%.
- 2019 hod — 86,9%
***
Uładzimir Andrejčanka naradziŭsia ŭ 1949 u vioscy Marjanava Loźnienskaha rajona. Skončyŭ Łužaśnianski sielhastechnikum (1968), Vielikałucki sielskahaspadarčy instytut (1977), Minskuju vyšejšuju partyjnuju škołu (1988). Paśla słužby ŭ vojsku pracavaŭ ahranomam. U 1972—1975 — instruktar u Loźnienskim rajkamie kamsamoła, a paśla ŭ rajkamie KPB. U 1975—1978 — sakratar partkama saŭhasa «Adamienki», u 1978—1981 — staršynia kałhasa imia Danukałava Loźnienskaha rajona. U 1981—1985 — načalnik upraŭleńnia sielskaj haspadarki Loźnienskaha rajvykankama, u 1985-1987 — staršynia rajvykankama. U 1987—1991 hadach — staršynia Vierchniadźvinskaha rajsavieta, pieršy sakratar Vierchniadźvinskaha rajkama KPB. U 1991—1994 — namieśnik staršyni Viciebskaha abłvykankama pa sielskaj haspadarcy, u 1994—2008 — staršynia Viciebskaha abłvykankama. Z 2008 — staršynia Pałaty pradstaŭnikoŭ.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary