Kiraŭnictva Jandeks.Taksi i Uber adkazała Ministerstvu transpartu
Čytajcie taksama: Mintrans uziaŭsia za Uber i Jandeks.Taksi
Uber, Jandeks.Taksi i arenda aŭto z kiroŭcam akazvajuć pasłuhi taksi, tamu im treba vykonvać patrabavańni zakona da takich pieravozčykaŭ, ličać u Mintransie. Parušalnikaŭ da adkaznaści ŭžo pryciahvaje Transpartnaja inśpiekcyja, a nieŭzabavie padklučycca MARH.
Na takija dziejańni dziaržaŭnych viedamstvaŭ adkazaŭ Ivan Zapolski, kiraŭnik pa raźvićci biznesu abjadnanaj kampanii Jandeks.Taksi i Uber ŭ Rasii i Biełarusi:
«Aficyjnych listoŭ abo pretenzij rehulatara da našych servisaŭ my nie atrymlivali. Z ubačanaha ŭ ŚMI składana zrazumieć, pra što kankretna idzie havorka ŭ liście i kamu jon adrasavany. U cełym možam skazać nastupnaje: u tekście lista Ministerstva transpartu jość važnaja nieadpaviednaść. Kali ŭ pačatku zvarotu spraviadliva adznačajecca, što servisy Jandeks.Taksi i Uber pradastaŭlajuć infarmacyjnyja pasłuhi, to dalej pa tekście našym anłajn-płatformam prypisvajecca akazańnie pasłuh pieravozki, jakija, jak skazana vyšej u hetym ža zvarocie, pradastaŭlajuć pieravozčyki, jakija supracoŭničajuć z nami (a nie sami płatformy).
Hałoŭnym pryjarytetam dla nas źjaŭlajecca biaśpieka pajezdak. U ciapierašni čas my realizujem adrazu niekalki bujnych prajektaŭ, u tym liku ŭłasnyja raspracoŭki ŭ halinie manitorynhu ŭvahi kiroŭcy, chutkaści i maniery kiravańnia. My hatovyja ŭkaraniać ich na rynku Biełarusi i adkrytyja da dyjałohu ź dziaržaŭnymi orhanami. Tolki ŭ hetym hodzie ŭ Respublicy Biełaruś my adzinyja na rynku ŭviali ŭłasnaje biaspłatnaje strachavańnie pasažyraŭ i kiroŭcaŭ, choć zakanadaŭstva nie patrabuje hetaha ad servisaŭ, a taksama zapuścili mahčymaść zamović mašynu ź dziciačym kresłam u niekalkich haradach. My ź nieciarpieńniem čakajem, kali ŭ Biełarusi źjavicca mahčymaść anłajn-pravierki paśviedčańniaŭ kiroŭcy na pradmiet ich sapraŭdnaści i validnaści. Takuju pracu ŭ ciapierašni čas viadzie MUS Biełarusi. My ŭ hetym taksama zacikaŭleny i hatovy akazvać techničnuju padtrymku».
Ciapier čytajuć
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary