Rasija moža spynić ekspart nafty ŭ Biełaruś 1 studzienia z-za adsutnaści ŭmoŭ pastavak na 2020 hod
Pieramovy Maskvy i Minska nakont umoŭ pastavak rasijskaj nafty na biełaruskija NPZ u 2020 hodzie zaciahvajucca, što moža pryvieści da prypynieńnia prapampoŭki syraviny z 1 studzienia, raspaviali Reuters šeść krynic u halinie.
Jany adznačajuć, što spynieńnie pastavak nafty z RF u Biełaruś budzie aznačać źjaŭleńnie dadatkovych ekspartnych abjomaŭ rasijskaj sumiesi Urals na inšych kirunkach, u pryvatnaści ŭ bałtyjskich partach.
Pa stanie na ranicu 31 śniežnia na Biełaruś nie było aformlena nivodnaj tony nafty z RF, paviedamili Reuters dźvie krynicy, znajomyja z afarmleńniem maršrutnych daručeńniaŭ.
Maskva i Minsk nie mohuć damovicca nakont cany na naftu, taryfu na tranzit praz terytoryju Biełarusi, a taksama ab kampiensacyi za paharšeńnie ekanomiki biełaruskich NPZ paśla praviadzieńnia padatkovaha manieŭru ŭ RF.
Na vyrašeńnie pytańnia ŭ krain zastałosia mienš za sutki. U advarotnym vypadku 1 studzienia Rasii pryjdziecca prypynić pastaŭki nafty ŭ napramku Biełarusi.
«Poŭny abjom pastavak pa hrafiku ŭžo dakładna nie vyjdzie, a i pastaviać ŭ studzieni choć niešta — zaležyć ad pieramovaŭ», — skazała adna z krynic.
U paniadziełak Uładzimir Pucin i Alaksandr Łukašenka abmierkavali pytańni pastavak nafty i hazu, ale nie dasiahnuli kančatkovych damoŭlenaściaŭ pa hetych pytańniach. Siońnia jany taksama abmiarkoŭvali pytańni.
U Transnafcie i Minenierha nie zmahli apieratyŭna adkazać na zapyt Reuters.
Apieratar biełaruskich NPZ Biełnaftachim admoviŭsia ad kamientaroŭ
Kamientary