U restaranie «Lebiadziny» zaŭvažyli deputatku Vasilevič i biznesmiena Ciacieryna
Staršyniu Biełaruskaj tenisnaj federacyi i biznesoŭca Siarhieja Ciacieryna i deputatku Maryju Vasilevič karespandenty Svabody zaŭvažyli ŭviečary 13 studzienia ŭ restaranie «Lebiadziny».
Adnym ź pieršych naviednikaŭ restaracyi, jašče da aficyjnaha adkryćcia 11 studzienia, byŭ Alaksandar Łukašenka.
Staršynia Biełaruskaj tenisnaj federacyi Siarhiej Ciacieryn časta źjaŭlajecca pobač z Alaksandram Łukašenkam. Naprykład, na zbory ŭradžaju ŭ prezydenckaj haspadarcy. Jak i mnohija ludzi ź bližejšaha koła Alaksandra Łukašenki, Ciacieryn maje bujny biznes. Jon zasnavalnik i dyrektar chołdynhu «BiełHłobałStart» i inšych kampanij, a taksama saŭładalnik TNT-International.
22-hadovaja Maryja Vasilevič — ciapier deputatka Pałaty pradstaŭnikoŭ, a raniej — pieramožca konkursu «Mis Biełaruś». Maryju Vasilevič niekalki razoŭ zaŭvažali pobač z Łukašenkam: jana ŭdzielničała ŭ pracoŭnych pajezdkach kiraŭnika krainy, jany siadzieli pobač na chakiei, na «Słavianskim bazary», tancavali na bali.
Paru dzion tamu restaran apynuŭsia ŭ centry čarhovaha skandału. Jahonaja pijarščyca Viktoryja Maroz apublikavała ŭ Instagram «historyju» sa zdymkam kačynaj dziuby, u jakoj lažyć tartar z syroha miasa, z podpisam: «Chto tam nakont ptušak biedavaŭ, a?». Maroz bolš nie supracoŭničaje z restaranam.
Kamientary