Simańjan pachvaliłasia pośpiechami biełaruskaha «Sputnika». I heta absalutnaja chłuśnia

Hałoŭny redaktar Russia Today, infarmacyjnych ahienctvaŭ «Rośsija siehodnia» i «Sputnik» Marharyta Simańjan pachvaliłasia pośpiechami biełaruskaha «Sputnika».

Pavialičyć

«U Sputnik Biełaruś u studzieni 10 miljonaŭ unikalnych karystalnikaŭ pry nasielnictvie krainy 9,5 miljona. Heta bolš, čym u «Radyjo Svaboda», polskaha «Biełsata» i astatnich zamiežnych ŚMI ŭ krainie, razam uziatych. Hanarusia!»

— napisała ŭ svaim telehram-kanale rasijskaja prapahandystka.

Niaŭžo toje, što jana napisała, praŭda, i «Sputnik» lidziruje na biełaruskim infarmacyjnym rynku? Naturalna, nie.

U internecie jość vialikaje mnostva ličylnikaŭ papularnaści sajtaŭ. I ŭsie jany pakazvajuć padobnyja ličby naviedvalnaści «Sputnika».

Servis Liveinternet prapanuje acanić kolkaść naviednikaŭ na sajtych za apošni 31 dzień. Heta nie zusim «čysty» studzień, ale amal toj samy pieryjad.

U «Sputnika» naličyłasia 2,7 miljona ŭnikalnych naviednikaŭ. Ale tolki 30% čytačoŭ sajta — žychary Biełarusi.

Pavialičyć

Servis Similarweb prapanuje statystyku za apošnija 28 dzion. Jon padličvaje kolkaść vizitaŭ (sieansaŭ). Heta ličba aznačaje, kolki razoŭ niechta zachodziŭ na sajt. Kali čałaviek za miesiac zajšoŭ z mabilnika na «Sputnik» piać razoŭ, to budzie ŭličvacca adzin karystalnik i piać vizitaŭ.

Dyk voś, u biełaruskaha «Sputnika» naličyłasia 10,21 miljona vizitaŭ.

Pavialičyć

Nie karystalnikaŭ, a vizitaŭ! Atrymlivajecca, što kiraŭnica «Sputnika» Marharyta Simańjan nie razumieje roźnicy pamiž hetymi terminami.

Źvierniem uvahu i na jakaść aŭdytoryi. Siaredni vizit na sajt praciahvajecca 1 chvilinu i 4 siekundy, ale bolš za 70% naviednikaŭ vychodziać z sajta adrazu ž, nie pierachodziačy na inšyja staronki. Heta aznačaje, što ŭ «Sputnika» nie stałaja aŭdytoryja, a zalotnaja, jakaja traplaje pa peŭnych spasyłkach, ale adrazu ž sychodzić.

Što da rehijonu, to Similarweb padličvaje statystyku pa naviedvańniach tolki z kampjutaraŭ (biez mabilnych pryładaŭ). U «Sputnika» tolki 16% karystalnikaŭ ź Biełarusi, zatoje z Rasii — ažno 75%.

Dla paraŭnańnia, u «Našaj Nivy» 85% naviednikaŭ ź Biełarusi.

Pavialičyć

Jašče adzin servis, «Jandeks-Radar», publikuje pakazčyki tolki rasijskich sajtaŭ. I biełaruski «Sputnik», naturalna, identyfikujecca sistemaj jak «svoj», jak, darečy, i «Sovietskaja Biełoruśsija».

Pavialičyć

Pavialičyć

U studzieni kolkaść karystalnikaŭ ź Biełarusi ŭ biełaruskaha «Sputnika» składała kala 800 tysiač čałaviek. Praŭda, pra heta Marharyta Simańjan nie kaža.

U hetym i jość «pośpiech» pracy «Sputnika» i «Sovietskaj Biełoruśsii» ŭ internecie. Ich dekłaravanaja meta — raspaŭsiud infarmacyi dla biełaruskaha spažyŭca.

Ale ŭ realnaści, nie daciahvajučysia da zhadanych vyšej Tut.by, Onliner.by, «Našaj Nivy», jany aryjentujucca na inšy šlach — pasprabavać dasiahnuć vysokich ličbaŭ za košt vypadkovaha traplańnia ŭ rekamiendacyjnyja sistemy da rasijskaha spažyŭca.

• 0
• 0
• 0
• 0
• 0
• 0
• 0
• 0