Amierykanskaja kampanija Netflix pierastała pakazvać na svajoj stryminhavaj płatformie dzieviać filmaŭ i telešou pa patrabavańni ŭładaŭ piaci dziaržaŭ, piša RBK. Pra heta paviedamlaje Axios sa spasyłkaj na spravazdaču kampanii, apublikavanaj, jak śćviardžaje vydańnie, upieršyniu za ŭsiu historyju Netflix.
U kampaniju źviarnulisia ŭłady Sinhapura, Novaj Ziełandyi, Vjetnama, Hiermanii i Saudaŭskaj Aravii. Piśmovyja patrabavańni, zhodna z dakumientam, pastupali ŭ Netflix z 2015 pa 2020 hod.
Apošni raz źniać z pakazu brazilskuju kamiedyju The Last Hangover ad kampanii zapatrabavała Sinhapurskaje Upraŭleńnie pa raźvićci miedyjakamunikacyj, piša The Verge. Pa jaho ž zahadzie ŭ 2019 hodzie Netflix vydaliŭ film «Apošniaja spakusa Chrysta», u 2018 hodzie — telešou Cooking on High, dakumientalny film The Legend of 420 i kamiedyjny sieryjał Disjointed. Akramia hetych karcin u śpis uvajšli:
- amierykanskaje telešou Patriot Act with Hasan Minhaj, jakoje u 2019 prybrali pa patrabavańni saudaŭskich uładaŭ;
- chorar Night of the Living Dead, vydaleny pa zapycie Kamisii pa abaronie moładzi FRH u 2017 hodzie;
- film Stenli Kubryka «Sucelnamietaličnaja abałonka», pryśviečany vajnie ŭ Vjetnamie, vydaleny ŭ 2017 pa patrabavańni Chašymina (Sajhona);
- šviedska-dacki detektyŭny sieryjał «Most», jaki źniali pa patrabavańni Novaj Ziełandyi, dzie karcinu ličać «sprečnaj».
Jak paviedamili Axios u kampanii, Netflix starajecca zachavać kantent na płatformie, ale kali z uładami nie ŭdajecca damovicca, vydalaje jaho tolki pry najaŭnaści piśmovaha paćviardžeńnia zapytu.
Ciapier čytajuć
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj14
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary