Hety hurt viarnuŭ modu na post-pank u Biełarusi. Novyja pieśni i najlepšyja chity Super Besse ŭ žyvym vystupie VIDEA
Siem hadoŭ tamu ŭdzielniki hurta The Blackmail vyrašyli prybrać rytm-siekcyju, admovicca ad svajoj staroj muzyki i źmianić styl. Tak źjaviŭsia kalektyŭ Super Besse, nazvany ŭ honar francuzskaha harnałyžnaha kurorta.
Super Besse hastralujuć pa Jeŭropie i Azii, vypuskajučy albomy na łatvijskim łejble. Udzielniki hurta žyvuć u roznych krainach: Maksim Kulša adkryŭ ułasnuju studyju ŭ Bierlinie, a Alaksandr Sinica pracuje hrafičnym dyzajnieram u Minsku. Ale heta nie pieraškadžaje im stvarać razam, padkreślivajučy pry hetym, što jany ź Biełarusi.
U žyvym secie ŭ studyi Belsat Music Live duet syhraŭ niekalki novych trekaŭ, jakija ŭpieršyniu prahučali na publiku, a taksama svaje hałoŭnyja chity.
U razmovie ź Miraj Šulc Super Besse raspaviali pra novy albom, jaki stvaraŭsia biez Paŭła Michałka, pra mahčymaść źjaŭleńnia trekaŭ na biełaruskaj movie, a jašče pra toje, ci składana stvarać hurtu, muzyki jakoha žyvuć u roznych krainach.
Belsat Music Live — heta aŭtarski prajekt Siarhieja Budkina. Štotydzień na telekanale «Biełsat» ajčynnyja i zamiežnyja muzyki hrajuć užyvuju ŭ studyi, a taksama razmaŭlajuć ź viadučymi pra svaju tvorčaść.
Kamientary