Kitaj abvinavacili ŭ vykarystańni prymusovaj pracy ŭjhuraŭ na fabrykach suśvietna viadomych kampanij
Ułady Kitaja ŭ ramkach dziaržaŭnaj prahramy pa «sacyjalnym pieravychavańni ŭjhuraŭ» u 2017-2019 hadach jak najmieniej 80 000 ujhuraŭ prymušali da pracy na fabrykach 83 mižnarodnych kampanij, takich jak Apple, Nike i Dell. Da takoj vysnovy pryjšli ekśpierty ŭradavaha instytuta Australian Strategic Policy Institute (ASPI), pieradaje BBC.
U apublikavanaj daśledčykami spravazdačy havorycca, što ŭmovy, u jakich pracavali ŭjhury z pravincyi Sińczian, što ŭdzielničali ŭ prahramie, «dajuć surjoznyja padstavy mierkavać, što havorka idzie ab prymusovaj pracy».
Fabryki, na jakich pavinny byli pracavać rabočyja, byli daloka ad ich doma. Niekatorych ujhuraŭ departavali na miesca pracy z «centraŭ pieravychavańnia», arhanizavanych kitajskim uradam dla «asimilacyi ŭjhuraŭ u asnoŭnaje kitajskaje hramadstva».
Ujhury vymušanyja byli žyć u paasobnych internatach, dzie za imi ŭvieś čas sačyli. U volny ad pracy čas jany byli abaviazanyja naviedvać uroki paŭnočnakitajskaha dyjalektu i treninhi pa ideałahičnaj padrychtoŭcy. Pry hetym im zabaraniałasia ŭdzielničać u relihijnych abradach.
Miarkujecca, što mižnarodnyja kampanii, jakija fihurujuć u dakładzie, nie viedali ab prymusovaj pracy ŭjhuraŭ na fabrykach svaich pastaŭščykoŭ.
Ciapier čytajuć
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi38
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary